За мінулы год колькасць эканамічных злачынстваў у Беларусі вырасла амаль на 20 працэнтаў
У 2024 годзе ў Беларусі было зарэгістравана 73 270 злачынстваў — на 14,2% менш, чым у 2023-м (85 374), піша «Радыё Свабода» са спасылкай на праведзены выданнем «Позірк» аналіз звестак Нацыянальнага статыстычнага камітэта. Але злачынстваў эканамічнага характару колькасць, наадварот, вырасла.
Колькасць злачынстваў, учыненых «супраць парадку ажыццяўлення эканамічнай дзейнасці», за год стала большай на 19,3% (рост з 1 560 да 1 861).
Агулам было кваліфікавана:
-
як «выраб, захоўванне або збыт падробленых грошай або каштоўных папер» — 470 зарэгістраваных злачынстваў, або 25,3% ад агульнай колькасці (летась было 566; −17%),
-
«ухіленне ад выплаты сум падаткаў, збораў» — 283, або 15,2% (229; +23,6%),
-
«набыццё або збыт матэрыяльных каштоўнасцяў, загадзя здабытых злачынным шляхам» — 66, або 3,6% (50; +32%).
Выяўлена 1 086 асоб, якія ўчынілі злачынствы эканамічнага характару (651; +66,8%).
Усяго ж, згодна з афіцыйнай статыстыкай, было выяўлена 37 839 грамадзян, якія ўчынілі злачынствы (у 2023 годзе было 38 660; −2,1 працэнта).
Каментары