Васілеўская пахвалілася, што ў «Белавіі» з'яўляюцца новыя рэйсы, бо з ёй на арбіце быў пластыкавы самалёцік
Першая беларуская касмічная турыстка Марына Васілеўская расказала, як змянілася ейнае жыццё праз год пасля палёту на Міжнародную касмічную станцыю.
Відэа з Васілеўскай з'явілася ў тэлеграм-канале авіякампаніі «Белавія», дзе яна раней працавала бортправадніцай.
Касмічная турыстка расказала, што за апошні год ейнае жыццё стала «больш насычаным і плённым». Яна цяпер працуе ў «Фондзе міру» і займаецца гуманітарнай і сацыяльнай дзейнасцю.
Былыя калегі спыталі Васілеўскую, ці сачыла яна за навінамі «Белавіі». Гераіня Беларусі адказала, што яе цешыць адкрыццё рэйсаў з рэгіянальных аэрапортаў. Гэта, па словах Васілеўскай, адбываецца дзякуючы таму, што з ёй у космасе пабываў макет самалёта беларускай авіякампаніі.
Нагадаем, што раней журналісты высветлілі, дзе цяпер працаўладкаваная Марына Васілеўская. Два самыя свежыя запісы — грамадскае аб'яднанне «Беларускі фонд міру» і ТАА «ЭкаПрамПанэль». Да абедзвюх арганізацый Васілеўская далучылася ў жніўні 2024 года.
У «Фондзе міру» яе пасада афіцыйна называецца так: намесніца старшыні праўлення па гуманітарным супрацоўніцтве і грамадскай дзейнасці Беларускага фонду міру.
А вось пра працу ў камерцыйнай арганізацыі Васілеўская палічыла за лепшае не паведамляць публічна.
Цікава, што ў «ЭкаПрамПанэлі» і «Беларускім фондзе міру» аднолькава завуць кіраўніка — Максім Уладзіміравіч Місько.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары