«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю
У кастрычніку 2024 года «Наша Ніва» пісала пра супрацоўніка КДБ «Сяргея», які летась вербаваў людзей здымаць Дзень Волі. Мы паглядзелі, дзе ён быў актыўны пасля нашай публікацыі.
«Сяргей» (тэлеграм-акаўнт з ID 5988969326), супрацоўнік КДБ, які адказвае за «працу» з замежжам, уступіў яшчэ ў дзясяткі чатаў беларускай эміграцыі. Цяпер ён заўважаны ў амаль 80 суполках.
Ён актывізаваўся 12 лістапада 2024 года. Тады Раман Пратасевіч выклаў фота Марыі Калеснікавай падчас сустрэчы з бацькам. Кадэбіст расшэрыў яе ў больш за 20 чатаў беларускага замежжа.
10 снежня 2024 года ён з нейкай мэтай — магчыма, для нейкай аперацыі КДБ, каб увесці актывістаў у зман, мяняў імя на @pobach97. Але 24 студзеня змяніў імя назад на «Сяргей Пятроў».
Наступны раз ён актывізаваўся пад выбары Лукашэнкі. 24-25 студзеня 2025 года ён спачатку адгаворваў актывістаў у эміграцыі ад удзелу ў акцыях супраць фальсіфікацыі выбараў у Беларусі ды самапраўства беларускіх уладаў. Некаторыя з эмігрантаў наўпрост скідвалі яму спасылку на мінулы артыкул «Нашай Нівы» пра яго ж.
А на наступны дзень, 25 студзеня, «Сяргей» раскідваў па некалькіх дзясяткаў чатаў скрыншоты з допісу Ігара Тура пра тое, што КДБ ідэнтыфікаваў некалькі ўдзельнікаў акцыі супраць фальсіфікацыі выбараў ва Уроцлаве.
Акаўнт «Сяргея» дагэтуль актыўны і быў анлайн «нядаўна», але ў чатах з таго часу ён неактыўны.
Дарэчы, вядомы па ранейшых публікацыях «Alex» (цяпер — Dimmi BOSS з ID 6868032872) пасля нашай апошняй публікацыі, з 9 кастрычніка 2024 года, перастаў быць актыўны ў чатах. Але акаўнт не выдаляе і працягвае быць на ім анлайн.
«Наша Нiва» — бастыён беларушчыны
ПАДТРЫМАЦЬЦяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»15
Каментары
Толькі :
- калі, дапусцім, якія ВОШЫнгтон Пост захочуць апублікаваць гэты артыкул у сябе, то не зразумеюць праблем з "озорничающими" ... Усе ж людзі свавольнічаюць )
- як бы хто не ганарыўся "лупленнем трасянкай", але не ёсць гэта гут.
Некалі на маёй працы адзін калега са здзіўленнем N-ны раз пачуў ад супрацоўніцы вымаўленне слова guide як "г'юд" і паправіў: "-Не г'юд, а гайд".
Яе адказ я памятаю да гэтага часу (даўно гэта было) :
- Всё! Поздно! Я уже привыкла и иначе не смогу!