Да 1 снежня ў Мінску ўсталююць 28 навагодніх ёлак. Пра гэта паведаміла дзяржаўная арганізацыя «Мінскрэклама». Мантаж пачаўся 1 лістапада і завершыцца да каляндарнага пачатку зімы, піша Sputnik.
Падрабязнасці ўпрыгожванняў пакуль трымаюцца ў сакрэце — арганізатары абяцаюць, што яны стануць сапраўдным сюрпрызам для мінчукоў і гасцей сталіцы.
Калі летась у горадзе было 27 ёлак, то сёлета з’явіцца яшчэ адна — новая святочная лакацыя будзе размешчана на вуліцы Чыжэўскіх, недалёка ад Лошыцкага сядзібна-паркавага комплексу.
Першыя сімвалы Новага года ўжо можна ўбачыць у горадзе: адну з ёлак ставяць у Парку экстрэмальных відаў спорту на вуліцы Сталетава, 1.
Падрыхтоўка да свята ідзе ўжо не толькі ў сталіцы — у Віцебску таксама ўжо пачалі ставіць галоўную гарадскую ёлку на плошчы Перамогі.
Таксама работы ўжо ідуць і на плошчы Леніна ў Брэсце. Як растлумачыў генеральны дырэктар Брэсцкай гарадской ЖКГ Андрэй Гашаў, пачаць работы сёлета прыйшлося раней, чым звычайна, — з-за катка, які традыцыйна размяшчаецца вакол ёлкі.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары