Беларускі футбаліст назваў суперніка «чорным шымпанзэ». Яму пагражае дыскваліфікацыя і штраф
Ганебны інцыдэнт здарыўся на матчы чэмпіянату Беларусі па футболе паміж «Віцебскам» і «Смаргонню».
Форвард «Віцебска» Валерый Гарбачык назваў камерунскага абаронцу смаргонцаў Крысціяна Інтсаэна «чорным шымпанзэ».
За гэта арбітр сустрэчы Ігар Шумілаў паказаў форварду гасцей прамую чырвоную картку.
Цяпер яму пагражае дыскваліфікацыя на тэрмін ад 5 да 15 матчаў і (ці) часовая або бестэрміновая забарона на наведванне футбольных матчаў на пэўным стадыёне (стадыёнах) з адначасовым накладаннем штрафу ў памеры ад 50 да 100 базавых велічынь (2100—4200 рублёў)», паведамляе тэлеграм-канал «Ухо».
З «Віцебска» могуць зняць тры балы.
Сам Крысціян пракаментаваў football.by сітуацыю: «Не хацеў гаварыць пра гэтую сітуацыю пасля матчу, паколькі быў на эмоцыях, як гэта бывае пасля паражэнняў. І ў той жа час мне было вельмі непрыемна ад слоў, сказаных футбалістам «Віцебска». Калі я правільна памятаю, тады быў вуглавы, і адбылася жорсткая мужчынская барацьба, пасля якой Гарбачык упаў. Я адбег назад, каб не здарылася контратака. А ён казаў нешта, звязанае з маім колерам скуры. І не толькі я гэта чуў».
Ён дадаў, што суддзя таксама гэта пачуў: «Так. Калі б ён не пачуў, то навошта яму адразу паказваць чырвоную картку? Паўтаруся, не толькі я гэта чуў».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам16
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары