17‑гадовы блогер і яго 37‑гадовая дзяўчына патрацілі на сябе мільён рублёў, сабраны на дабрачыннасць
У Гродне затрыманыя «вядомыя блогеры», якія сабралі 1,5 мільёна рублёў на лячэнне дзіцяці, але на дабрачыннасць аддалі капейкі, паведамляе МУС.
17‑гадовы гродзенец і яго 37‑гадовая сужыцелька збіралі сродкі на лячэнне цяжкахворага дзіцяці.
Падпісчыкам яны прапаноўвалі за 10 рублёў удзельнічаць у розыгрышы, дзе галоўнымі прызамі былі смартфоны ці аўтамабіль. Арганізатары заяўлялі, што толькі невялікая частка грошай пойдзе на прызы, а ўся астатняя сума будзе накіравана на лячэнне хлопчыка.
Агулам было сабрана 1,5 мільёна рублёў, паведамляе МУС.
Але маме хворага дзіцяці яны перадалі толькі 200 тысяч рублёў; 315 тысяч выдаткавалі на прызы для ўдзельнікаў стрыму.
Астатні мільён рублёў, паводле МУС, пара патраціла на прыгожае жыццё — паездкі ў прэміяльныя туры на Мальдывы і ў ААЭ, арэнду элітнага жылля, азартныя гульні і іншыя забавы.
Заведзеная крымінальная справа за махлярства ў асабліва буйным памеры.
Затрыманым пагражае да 12 гадоў пазбаўлення волі. Іх імёны не называюцца.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары
зрэшты дабрачынны бізнэс так і працуе.
Нават тыя 200 тысяч, што здаецца пайшлі па прызначэнні, у выніку асядуць у нейкай ізраільскай клініцы.
А цуд так і не здарыцца.