Новазеландскія жанчыны-пажарныя выпусцілі свой першы эратычны каляндар
Упершыню ў Новай Зеландыі выпушчаны каляндар, які цалкам прысвечаны жанчынам-ратавальніцам, каб сабраць сродкі на даследаванні раку малочнай залозы.
Трынаццаць жанчын з дзевяці пажарных станцый трох гарадоў Новай Зеландыі ўзялі ўдзел у стварэнні календара Wahine Toa Firefighter Calendar на 2026 год.
«Хлопцы заўсёды мелі свой каляндар, і мы падумалі: а чаму б і нам не? — расказала Ніколь Кох, пажарная і арганізатарка праекту, у інтэрв’ю выданню Stuff. — Мы шмат працуем і сур’ёзна ставімся да сваёй працы, таму гэта быў шанец зрабіць нешта вясёлае і адначасова сабраць грошы на важную справу».
Арганізатары спадзяваліся прадаць 5000 адзінак календара, але першая партыя была цалкам раскупленая за 26 гадзін, што прынесла каля 50 тысяч еўра на даследаванні раку малочнай залозы. Адкрыты другі папярэдні заказ, які будзе доўжыцца да 10 лістапада.
Адной з праблем пры стварэнні календара было знайсці правільны тон.
«Доўгі час пытанне было ў тым, як ушанаваць сілу і жаноцкасць, не будучы празмерна сексуалізаванымі, — падзялілася Ніколь Кох. — Цяпер самы час паказаць, што мы можам з гонарам спалучаць і нашу прафесію, і нашу жаноцкасць, падтрымліваючы пры гэтым важную справу».
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары