Грамадства2121

Найбуйнейшую сетку фастфуду ў Беларусі адкрыў выхадзец з КДБ

Сузаснавальнік сетак рэстаранаў KFC і кавярняў Cofix у Беларусі — былы супрацоўнік КДБ. Як высветліла «Люстэрка», да пачатку кар’еры ў грамадскім харчаванні прадпрымальнік як мінімум дзевяць гадоў служыў у цэнтральным апараце спецслужбы, а ў рэстаранны бізнэс прыйшоў неўзабаве пасля звальнення. Яго партнёрамі сталі сваякі вядомых бізнэсменаў з рэйтынгаў найбагацейшых людзей краіны.

Топ-менеджар з непублічным мінулым

У 2015 годзе ў Мінску пачаў працу першы рэстаран KFC. Адкрыццё называлі «феерычным»: над Каменнай Горкай тады з’явіўся верталёт, з якога спусціўся чалавек у касцюме заснавальніка амерыканскай сеткі — палкоўніка Сандэрса.

Перад уваходам у рэстаран перарэзалі чырвоную стужку. Кавалачак тады адрэзаў і Сяргей Дуцін — гендырэктар кампаніі «Бел Фуд Сэрвіс». Менавіта яна першай выйграла вялізны конкурс на працу па сусветна вядомай франшызе KFC у Беларусі. У публікацыях таго часу пісалі, што ў праект уклаліся буйныя бізнэсмены. Інвестыцыі ў першы рэстаран ацэньвалі на ўзроўні аднаго мільёна долараў. А вось чым раней займаўся дырэктар — публічна не паведамлялася.

Сяргей Дуцін — былы супрацоўнік КДБ. З даных афіцыйных рэестраў, даступных «Белпол», вынікае, што ён значыўся ў цэнтральным апараце арганізацыі з 2005 года, то бок з 18 гадоў. Паралельна з гэтым — з 2006 па 2011 год — ён вучыўся ў расійскім МДУ па спецыяльнасці «крыптаграфія», гаворыцца на яго старонцы ў LinkedIn. У 2014 годзе Дуціну было 27. Ён пакінуў службу і ўзначаліў новую кампанію «Бел Фуд Сэрвіс», якая ў далейшым занялася развіццём KFC у Беларусі. Дуцін быў запісаны яе дырэктарам з першага дня працы.

Былы спецслужбіст стаў даволі публічным кіраўніком: адкрываў рэстараны ў рэгіёнах, некалькі разоў даваў інтэрв’ю, удзельнічаў у журы прафесійных прэмій. А яшчэ раз на год станавіўся за касу рэстарана і сам абслугоўваў кліентаў. У адным з інтэрв’ю прадпрымальнік казаў, што за час працы ў KFC «навучыўся ўсяму» і прайшоў «не адзін віток трансфармацый». У жніўні 2019 года Дуцін атрымаў долю ў «Бел Фуд Сэрвіс». Прадпрымальнік кіраваў кампаніяй да канца 2023 года.

Паводле даных на чэрвень 2025 года, Сяргей Дуцін «часова не працуе». Ён застаецца членам Савета дырэктараў кампаніі і яе саўладальнікам — яму належыць 11,15% у статутным фондзе.

Хто іншыя саўладальнікі?

Большая частка «Бел Фуд Сэрвіса» (каля 72%) належыць родным заснавальнікаў гандлёвага дома «Ждановічы» — памерлых Міхаіла Пракаповіча і Яўгена Шыгалава.

Выданне «Ежедневник» уключала іх абодвух у рэйтынгі найбагацейшых людзей краіны.

Так, у дзяцей Яўгена Шыгалава Сяргея і Дзіяны (у яе падвойнае прозвішча Шыгалава-Курыла) па 18,37%, у яго зяця Віталя Курылы — 17,14%. Удава ж Міхаіла Пракаповіча Марыя валодае 17,73%.

Яшчэ 17,14% — у Аляксандра Шушко.

Цяпер па франшызе KFC у Беларусі працуюць дзве кампаніі — «Бел Фуд Сэрвіс» і «Юнітэр». У першай ужо 58 рэстаранаў па ўсёй краіне, сетка другой складаецца з 33 пунктаў. Згодна з дакладам інвестыцыйнай кампаніі «Юнітэр», апублікаваным у студзені 2025 года, KFC стаў найбуйнейшым гульцом рынку рэстаранаў хуткага харчавання ў Беларусі па колькасці аб’ектаў і пасадачных месцаў.

Кававая гісторыя

У 2019 годзе з’явіліся навіны пра тое, што на беларускім рынку будзе дзейнічаць «майстар-франшыза» на ізраільскі брэнд кавярняў Cofix. Іх асаблівасць — фіксаваная экстрэмальна нізкая цана на напоі і дэсерты. Уладальнікам франшызы называлі Сяргея Дуціна, на той момант ужо вядомага кіраўніка беларускага KFC.

Менавіта Дуцін у ліпені 2019 года заснаваў кампанію «Урбан Снэкі», якая ў далейшым занялася развіццём сеткі Cofix у Беларусі, вынікае з даных Адзінага дзяржаўнага рэестра юрыдычных асоб. Пазней у тым жа годзе ў склад уласнікаў, акрамя Дуціна, увайшлі таксама і астатнія ўдзельнікі «Бел Фуд Сэрвіс». Кавярны праект хутка вырас: у 2024 годзе СМІ ставілі Cofix на трэцяе месца па колькасці ўстаноў сярод усіх сетак грамадскага харчавання ў Беларусі. Цяпер пад ізраільскім брэндам працуе больш за 50 кропак у Мінску і Гродне. Дуціну належыць 15,77% гэтай кампаніі.

Дарэчы, гэта не ўсе праекты прадпрымальнікаў. У 2017 годзе ў Беларусі пачалі з’яўляцца рэстараны фінскага брэнду Hesburger, аднак у 2022 годзе пасля пачатку поўнамаштабнага ўварвання брэнд абвясціў пра выхад з Беларусі і Расіі. На месцы закрытых пунктаў у Бабруйску і Мінску адкрыліся рэстараны пад падобнай назвай — Yes! Burger. Іх развіваюць тыя ж людзі, што стаяць за Cofix і KFC. Цяпер працуюць тры «імпартазамяшчальныя» бургерныя: у Мінску, Бабруйску і Магілёве.

KFC

Каментары21

  • Gorliwy Litwin
    04.11.2025
    Чэкісты павінны кіраваць усімі галінамі не толькі эканомікі, але і культуры Белай (як і любой) Русі. Рускія Людзі , любога колеру, спрадвеку да гэтага звыклыя, і іншай сітуацыі яны бы папросту не зразумелі, не прынялі. Надзёжа Цар, ягоныя верныя папы і апрычнікі (жандары, чэкісты) - вось адвечная сакральная трыяда Русі, хоць белай, хоць фіялетавай.
  • все смыслы
    04.11.2025
    Что-что, а травить людей, КГБ, умеет хорошо, во всех смыслах хорошо....
  • Мега волосатая рука
    04.11.2025
    Работа с ранних лет в КГБ в ЦА, поступление в МГУ на престижную криптографию... Весьма хороший старт для беларуских реалий у сыночка, за котором, видно, стояли далеко непростые родители... Почему их не пробили пробивальщики? Нам - читателям НН было бы интересно знать, кто у него папка и мамка, а может дядя какой маститый лукашенковец, который пробил ему хорошую дорогу.

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць