ЗША канчаткова прыпынілі санкцыі з «Белавія» і самалётаў Лукашэнкі
Злучаныя Штаты Амерыкі прыпынілі санкцыі з беларускай авіякампаніі «Белавія» і з некалькіх самалётаў, якімі карыстаецца Аляксандр Лукашэнка. Пра гэта паведаміла Міністэрства фінансаў ЗША.
4 лістапада ўпраўленне па кантролі за замежнымі актывамі (OFAC) выдала агульную ліцэнзію №12, якая дазваляе праводзіць аперацыі, звязаныя з раней заблакіраванымі паветранымі суднамі.
У дакуменце адзначана, што цяпер дазволена выкарыстоўваць тры самалёты з бартавымі нумарамі:
- EW-001PA (серыя 33079);
- EW-001PB (серыя 33968);
- EW-001PH (серыя 31835).
Гэтыя паветраныя судны могуць выкарыстоўвацца Аляксандрам Лукашэнкам ці кампаніяй «Слаўкалій», якая таксама трапляла пад санкцыі.
Ліцэнзія не азначае поўнае размарожванне актываў і не дазваляе праводзіць аперацыі, забароненыя іншымі амерыканскімі законамі, у тым ліку правіламі экспартнага кантролю і міжнароднага гандлю зброяй.
Акрамя таго, «Белавія» выключаная са спісу спецыяльна прызначаных грамадзян і заблакаваных асобаў (SDN List). Гэта азначае, што кампанія зноў можа весці міжнародныя фінансавыя і камерцыйныя аперацыі.
Асобным пунктам адзначана, што санкцыі зняты і з бізнэс-джэта EW-301PJ, які выкарыстоўваецца сям’ёй Лукашэнкі і афіцыйна належыць «Белавія».
Лаўроў назваў адмену санкцый супраць «Белавія» «круцельскай гісторыяй»
У ЗША заклапочаныя, каб пасля зняцця санкцый з «Белавія» дэталі для «Боінгаў» не траплялі ў Расію
ЗША паслабілі санкцыі «Белавія», але забаранілі выкарыстоўваць амерыканскія самалёты для палётаў у Расію
Латушка: Зняцце санкцый з «Белавія» — крок у інтарэсах беларускага грамадства
Мінфін ЗША патлумачыў, як з «Белавія» здымуць санкцыі
Цяпер чытаюць
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары