Свет11

Трамп прыгразіў Ірану нябачанымі раней бамбардзіроўкамі

Прэзідэнт ЗША Дональд Трамп заявіў, што Іран сутыкнецца з нябачанымі раней бамбардзіроўкамі, калі не заключыць пагадненне са Злучанымі Штатамі аб распрацоўцы ядзернай зброі. Пра гэта Трамп заявіў 30 сакавіка падчас тэлефоннай размовы з NBC News.

Дональд Трамп. Фота: Joe Raedle / Getty Images

Трамп прыгразіў Ірану ваеннымі дзеяннямі, калі краіна не заключыць пагадненне з ЗША, якое будзе гарантаваць, што Іран не будзе распрацоўваць ядзерную зброю.

«Калі яны не заключаць пагадненне, будзе бамбаванне. Гэта будуць бамбардзіроўкі, якіх яны ніколі раней не бачылі», — заявіў прэзідэнт ЗША, дадаўшы таксама, што ўвядзе супраць Ірана другасныя тарыфы.

Па словах Трампа, амерыканскія і іранскія афіцыйныя асобы «вядуць перамовы» з гэтай нагоды.

Між тым у нядзелю прэзідэнт Ірана Масуд Пезешкіян заявіў, што адхіляе непасрэдныя перамовы з ЗША аб іранскай ядзернай праграме, што стала першым адказам краіны на ліст, накіраваны Трампам вярхоўнаму лідару Ісламскай Рэспублікі.

У пачатку сакавіка Трамп заявіў, што накіраваў вярхоўнаму лідару Ірана аятале Алі Хаменеі ліст з прапановай аб іранскай ядзернай праграме. Паводле інфармацыі крыніц выдання Axios, ліст Трампа да Хаменеі быў «жорсткім» і ўтрымліваў не толькі прапанову перамоў аб новай ядзернай угодзе, але і наступствы, калі Тэгеран яе адкіне.

Пасля цяперашніх пагроз Трампа Узброеныя сілы Ірана падрыхтавалі ракеты, якімі змогуць наносіць удары па пазіцыях, звязаных з ЗША. Пра гэта паведаміла Tehran Times са спасылкай на ўласныя даныя. Паводле інфармацыі медыя, «значную колькасць» гатовых да запуску ракет ужо размясцілі ў падземных сховішчах, здольных вытрымаць авіяўдары.

Каментары1

  • Янка
    31.03.2025
    На міжнароднай арэне Трамп упэўнена ператвараецца ў схільнае на клікбэйтных заяваў брахло, ад якога нічога станоўчага не чакаюць, але якога ў сусвеце баяцца ўсё менш, і дакладна не паважаюць. Дастаткова параўнаць эфектыўнасць дзеянняў Ізраіля, які шмат гадоў рыхтаваў і паспяхова ажыццявіў аперацыю са сродкамі сувязі супраць Хэзбалы альбо вынішчыў СПА Ірана, з маласэнсоўнымі налётамі авіацыі ЗША на хусітаў. Трамп і ягоная некампетэнтная каманда імкліва ператвараюць ЗША ў рэгіянальную дзяржаву. Але галоўную небяспеку для Трампа нясе ягоная разбуральная дзейнасць унутры ЗША, вынікам якой будзе страта даверу да амерыканскага дзярждоўга і даляра.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць