У Заслаўі ў панядзелак адбыўся чарговы пажар на адкрытай тэрыторыі — гарэла сухая трава ў раёне вуліцы Вакзальнай і завулка Рачнога, піша Onliner.by.
Па словах відавочцаў, полымя было досыць моцным — у месцах з высокай травой дасягала некалькіх метраў. Уздоўж меліяраванай тэрыторыі агонь хутка распаўсюджваўся, але, на шчасце, не закрануў гаспадарчыя пабудовы і прыватныя дамы.
Загаранне ахапіла каля 300 квадратных метраў. Сітуацыю назвалі штатнай і даволі тыповай для гэтага сезона, калі сухая трава лёгка запальваецца нават ад маленькай іскры.
Пажар быў хутка ліквідаваны, пагрозы для людзей і жылля не было.
Падобныя загаранні — не рэдкасць вясной, калі людзі пачынаюць прыбіраць тэрыторыі і часта неасцярожна абыходзяцца з агнём. МНС рэгулярна заклікае грамадзян не паліць траву і паведамляць пра ўсе выпадкі ўзгарання на нумар 101.
Каментары