U Zasłaŭi ŭ paniadziełak adbyŭsia čarhovy pažar na adkrytaj terytoryi — hareła suchaja trava ŭ rajonie vulicy Vakzalnaj i zavułka Račnoha, piša Onliner.by.
Pa słovach vidavočcaŭ, połymia było dosyć mocnym — u miescach z vysokaj travoj dasiahała niekalkich mietraŭ. Uzdoŭž mielijaravanaj terytoryi ahoń chutka raspaŭsiudžvaŭsia, ale, na ščaście, nie zakranuŭ haspadarčyja pabudovy i pryvatnyja damy.
Zaharańnie achapiła kala 300 kvadratnych mietraŭ. Situacyju nazvali štatnaj i davoli typovaj dla hetaha siezona, kali suchaja trava lohka zapalvajecca navat ad maleńkaj iskry.
Pažar byŭ chutka likvidavany, pahrozy dla ludziej i žylla nie było.
Padobnyja zaharańni — nie redkaść viasnoj, kali ludzi pačynajuć prybirać terytoryi i časta nieaściarožna abychodziacca z ahniom. MNS rehularna zaklikaje hramadzian nie palić travu i paviedamlać pra ŭsie vypadki ŭzharańnia na numar 101.
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda26
Kamientary