У Беларускім дзяржаўным універсітэце інфарматыкі і радыёэлектронікі з'явіцца новая прафілізацыя — «кібербяспека». Пра гэта БелТА паведаміў рэктар ВНУ Вадзім Богуш на 23‑й спецыялізаванай выставе для школьнікаў, абітурыентаў, студэнтаў «Адукацыя і кар'ера».
Новая прафілізацыя з'явіцца на спецыяльнасці «абарона інфармацыі».
«У гэтым годзе мы моцна перапраектавалі спецыяльнасць па інфармацыйнай бяспецы, і ў гэтую прыёмную кампанію будзем ажыццяўляць набор па прафілізацыі, звязанай з кібербяспекай. Тыя абітурыенты, якім цікавыя аспекты абароны інфармацыі і кібербяспекі, змогуць звязаць свой лёс з БДУІР і з новымі рашэннямі ў гэтай сферы. Гэта новы профіль у рамках «спецыяльнасці» абарона інфармацыі», — распавёў Вадзім Богуш.
Падрыхтоўка спецыялістаў па новым профілі пачнецца ўжо з 1 верасня.
Яшчэ з новага — зараз мэтавая падрыхтоўка будзе ажыццяўляцца ў ВНУ толькі па запатрабаваных эканомікай спецыяльнасцях. Іх спіс ужо можна знайсці на сайце ВНУ.
-
Як уладкаваны клубнічны бізнэс, хто найбольш на ягадах зарабляе і чаму іх часам выкідаюць
-
Жыхара Лёзна пазбавілі права кіравання матацыклам за экстрэмальныя хуткасці і язду на заднім коле
-
Нечаканы бенефіцыяр рэпрэсій і масавай эміграцыі беларусаў — выручка гэтага расійскага бізнэсу ў Мінску вырасла на 4000%
Каментары