Ніводная з беларускіх фрыстайлістак не прабілася ў фінал спаборніцтваў па лыжнай акрабатыцы ў першай кваліфікацыі
Сёння на Алімпіядзе ў Італіі разыгрываюцца медалі ў лыжнай акрабатыцы ў фрыстайле.
Кваліфікацыя павінна была прайсці ўчора, але была адмененая праз снегапад. Каб трапіць у фінал, трэба ўвайсці ў шасцёрку найлепшых у адной з кваліфікацый.
Ганна Гуськова ў першай кваліфікацыі паказала сёмы вынік з 88,29 баламі. Анастасія Андрыянава — 15‑я (74,02), Ганна Дзяруга — 20‑я (58,9 бала).
Першае месца ў кваліфікацыі ў канадкі Марыён Тэно (108,61), аўстралійка Дэніэль Скот — другая (99,59). Трэцяе месца ў кітаянкі Ксю Шаа (90,22).
Яшчэ шэсць фіналістак будуць з другой кваліфікацыі, пачатак а 12:45.
Фінал з 12 удзельніцамі пройдзе а 15‑й па мінскім часе.
Беларусы бралі медалі ў фрыстайле на кожнай Алімпіядзе пачынаючы з 1998 года. Ганна Гуськова заваявала золата на Алімпіядзе-2018 і срэбра на Алімпіядзе-2022.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары