Непальскага альпініста Ташы Г’ялцэна ўнеслі ў Кнігу рэкордаў Гінеса за ўзыходжанне на вяршыню Эверэста чатыры разы ўсяго за 15 дзён. Сваё дасягненне мужчына здзейсніў у маі 2025 года. Пра гэта паведамляе выданне The Himalayan Times.
Альпініст дасягнуў вяршыні вышынёй 8848,86 метра з боку Непала чатыры разы: 9, 14, 19 і 23 мая 2025 года.
Першае ўзыходжанне Г’ялцэн здзейсніў у складзе каманды, якая адказвала за пракладку маршруту і фіксацыю вяровак. Другі і чацвёрты раз ён падымаўся на пік адзін, трэці — у якасці гіда, які суправаджаў кліента.
30‑гадовы альпініст пачаў сваю кар’еру ў 2017 годзе. Акрамя Эверэста, на яго рахунку ўзыходжанні на Чо-Аю, Манаслу, Ама-Даблам і іншыя вяршыні. Сам Г’ялцэн назваў свой рэкорд момантам гонару не толькі для сябе асабіста, але і для ўсёй супольнасці шэрпаў.
У верасні 2025 года паляк Анджэй Баргель стаў першым чалавекам, які падняўся і спусціўся на лыжах з гары Эверэст без кіслародных балонаў. Гэтае ўзыходжанне стала для альпініста трэцяй спробай заваяваць Эверэст. Папярэднія дзве ён рабіў у 2019 і 2022 годзе.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
Это ж не Орешник запускать.