У Кіеве начальнік упраўлення паліцыі спрабаваў уцячы разам з $400 тысяч
У Кіеве паліцыя абвясціла ў вышук начальніка Дарніцкага ўпраўлення паліцыі Юрыя Рыбянскага, які не выйшаў на службу і не адказваў на званкі. Разам з ім знікла буйная сума арыштаваных грошай.
Паводле СМІ, з камеры захоўвання ўпраўлення зніклі $400 000. Зніклы начальнік меў доступ да арыштаванай маёмасці.
Паліцыя пачала пошукі Рыбянскага ў рамках крымінальнай вытворчасці, заведзенай па артыкуле «Наўмыснае забойства» з паметкай «без вестак зніклы».
Пазней з'явілася інфармацыя, што Рыбянскі быў затрыманы ў Ровенскай вобласці. УНІАН сцвярджае, што грошы былі з ім.
Гісторыю звязваюць з «крышаваннем» незаконных ігральных устаноў у Кіеве, піша канал INSIDER UA.
Каментары