Раней паведамлялася, што ў Партызанскім раёне Мінска, на самым усходзе сталіцы, запланавана будаўніцтва новага мікрараёна Зялёны Бор — адразу за тэрыторыяй жылой забудовы Калодзішчы-2. У інвестыцыйнай праграме Мінска знайшліся даныя з планаваным аб'ёмам інвестыцый на будоўлю.
Усяго там мяркуецца ўзвесці каля 4,4 мільёна квадратных метраў жылля. На першым этапе плануецца будаўніцтва шматкватэрнай жылой забудовы на 952 тысячы квадратных метраў.
Насельніцтва мікрараёна складзе 36,5 тысяч чалавек. Пры рэалізацыі 2-га этапа насельніцтва можа павялічыцца да запланаваных 105 тысяч чалавек (104 тысячы — у шматкватэрных дамах, 1 тысяча — у сядзібным фондзе).
На 2025 год сумы былі прадугледжаныя нязначныя і, хутчэй за ўсё, яны ўключаюць толькі праектныя работы. Цяпер стала вядома, што ў гэтым годзе будаўніцтва дакладна не пачнецца, піша Blizko.by.
Самай ранняй датай, калі да будаўніцтва могуць усё ж прыступіць, называецца 2026 год. Пра гэта ў эфіры праграмы «Гаворыць і паказвае Мінск» расказаў кіраўнік адміністрацыі Партызанскага раёна Мікалай Палякоў, заўважыў сайт Kolodischi.info:
«Цяпер праектуецца транспартна-інжынерная інфраструктура да першага квартала будаўніцтва. Мы спадзяемся, што ў наступным годзе выйдзем на пляцоўку ў рамках будаўніцтва транспартна-інжынернай інфраструктуры».
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары