«Вы звычайную паліклініку выставілі пеклам». Прыватная жаночая клініка зрабіла вірусную рэкламу, але атрымала хвалю хэйту
Прыватны медыцынскі цэнтр Eva clinic для рэкламы зняў відэа, дзе паказаў, як жудасна весці цяжарнасць у звычайнай паліклініцы. Ролік завірусіўся, але сваю хвалю крытыкі клініка атрымала.
У відэа сабраны ўвесь магчымы негатыў пра дзяржаўныя паліклінікі: грубыя дактары, велізарныя чэргі… А калі гераіня пытаецца ў кабінеце, дзе ж масажнае крэсла і ці могуць ёй прапанаваць безалкагольнае шампанскае, доктарка грэбліва ўсміхаецца: «Вы разумееце, куды вы патрапілі?!». Апошняе слова гучыць як у кашмарным сне.
Раптам цяжарная прачынаецца — у тым самым масажным крэсле і з келіхам безалкагольнага шампанскага ў руцэ. Голас па-за кадрам кажа: «Прачынайцеся і атрымлівайце асалоду ад вядзенне цяжарнасці ў Eva clinic».
Ролік завірусіўся і набраў 545 тысяч праглядаў у інстаграме. Але далёка не ўсім каментатарам спадабалася такая дэманізацыя дзяржаўнай медыцыны. Самы папулярны каментарый, які набраў каля 2300 лайкаў, гучыць так: «Самая стромная рэклама, што бачыла. Абясцэньваць працу іншых дактароў, паказваючы выдуманыя бязглуздзіцы».
Дарэчы, вядзенне цяжарнасці ў Eva clinic каштуе ад 3980 да 6180 рублёў.
У адказ незадаволеным клініка вырашыла запісаць яшчэ адзін ролік у тым самым стылі. У ім дзяўчына ходзіць за цяжарнай па Eva clinic і з'едліва агучвае негатыўныя каментарыі, размешчаныя пад мінулым ролікам: «Прабачце, прыйшла, як я зразумела, на КТГ, дзе трэба слухаць малога, і дай табе масажнае крэсла, якое гудзіць», «Нармальнае стаўленне ў паліклініках, чэргаў няма. Не трэба тут», «Гэта ж высмактаныя з пальца камфортныя ўмовы» і іншыя.
Галоўную ролю ў другім відэа грала дзяўчына Аліна, якая летась са сваім хлопцам Яўгенам спрабавала сабраць з падпісчыкаў у інстаграме 10 тысяч даляраў на вяселле мары. Столькі данатаў сабраць у іх не атрымалася, але шыкоўнае вяселле (нават два) пара ўсё ж зрабіла. Цяпер яны чакаюць першае дзіця.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ10
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары