Ураджэнца акупаванага Мелітопаля прыгаварылі да 27 гадоў па справе аб спробе атручвання выпускнікоў лётнага вучылішча
Ягор Сямёнаў нібыта спрабаваў па заданні ўкраінскіх спецслужбаў іх атруціць з дапамогай алкаголю і торту, дадаўшы ў яго моцнадзейны прэпарат.
Паўднёвы акруговы вайсковы суд Расіі прыгаварыў ураджэнца акупаванага Мелітопаля Ягора Сямёнава да 27 гадоў калоніі па абвінавачанні ў спробе атручвання выпускнікоў лётнага вучылішча ў Армавіры, піша Бі-бі-сі.
Суд прызнаў 34-гадовага Сямёнава вінаватым па артыкулах «тэрарызм» і «дзяржаўная здрада».
Паводле версіі следства, у кастрычніку 2023 года Сямёнаў паспрабаваў атруціць выпускнікоў Армавірскага вышэйшага ваеннага авіяцыйнага вучылішча з дапамогай алкаголю і торта, у якія быў дададзены моцнадзейны прэпарат.
Як сцвярджае абвінавачанне, Сямёнаў, выконваючы заданне ўкраінскіх спецслужбаў, набыў 200 флаконаў медыцынскага прэпарата «Кардыамін» (стымулятар цэнтральнай нервовай сістэмы), 76 пляшак віскі, 40 пляшак каньяку і 20-кілаграмовы торт. Затым ён з дапамогай шпрыца ўвёў прэпарат у напоі і торт і прывёз іх у рэстаран, дзе праходзіла сустрэча выпускнікоў вучылішча.
Даставіўшы прадукты, Сямёнаў хутка сышоў, сказаўшы, што іх перадаў адзін з выпускнікоў, які не змог прысутнічаць на сустрэчы. Гасцям гэта падалося падазроным, таму яны не сталі спрабаваць пачастунак і звярнуліся ў ФСБ.
У той жа дзень Сямёнава затрымалі ў аэрапорце Стаўрапаля.
Паводле версіі следства, у 2022 годзе ён стаў грамадзянінам Расіі, а ў красавіку 2023-га яго завербавалі ўкраінскія спецслужбы і даручылі арганізаваць забойства, паабяцаўшы яму 400 тысяч расійскіх рублёў (5 тысяч даляраў).
Сямёнаў прызнаў сваю віну. Яго справа разглядалася ў закрытым рэжыме. Абвінавачванне прасіла прыгаварыць яго да пажыццёвага зняволення.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары