У ЗША могуць запусціць рэаліці-шоу, дзе імігранты будуць спаборнічаць за грамадзянства
Амерыканскі прадзюсар Роб Уорсаф прапанаваў запусціць тэлешоу «Амерыканец», у якім імігранты будуць падарожнічаць па ЗША, вывучаць гісторыю, культуру і традыцыі розных штатаў, выконваць лакальныя выпрабаванні, а галоўны пераможца атрымае грамадзянства ЗША, паведамляе The Wall Street Journal.
Як паведамляецца ў 36-старонкавай прэзентацыі, з якой пазнаёміліся журналісты, каманда прадзюсара апісвае гадзінныя эпізоды, у якіх імігранты спаборнічаюць, каб даказаць, што яны «найбольш амерыканскія».
Некаторыя СМІ назвалі праект «Галоднымі гульнямі па-амерыканску». Аднак Роб Уорсаф, які выступіў з ідэяй тэлешоу, з такой ацэнкай не згодзен і сцвярджае, што праект павінен «даваць надзею і праслаўляць тое, што значыць быць грамадзянінам ЗША».
«Гэта не «Галодныя гульні» для імігрантаў», — падкрэсліў Уорсаф.
Паводле яго слоў, удзельнічаць у ім будуць імігранты, якія ўжо знаходзяцца ў амерыканскай сістэме. Яны будуць спаборнічаць у розных конкурсах, у тым ліку, магчыма, на веданне гісторыі і культуры ЗША. Прадзюсар адзначыў, што ўдзельнікам, якія прайграюць, не будзе пагражаць дэпартацыя.
«Гэта не азначае: «Эй, вы прайгралі — і мы вас адпраўляем на караблі з краіны».
Амерыканскія СМІ паведамілі, што да падрыхтоўкі шоу нібыта далучылася Міністэрства ўнутранай бяспекі ЗША. Аднак прэс-сакратарка ведамства Трыша МакЛафлін гэта абвергла: па словах чыноўніцы, у міністэрстве ніводнай версіі шоу не падтрымлівалі і нават не знаёміліся з ёй, а ўсе прапановы яшчэ праходзяць папярэднюю праверку. Такім чынам, афіцыйнай падтрымкі праект пакуль не мае.
На фоне згортвання іміграцыйных праграм пры прэзідэнце Дональдзе Трампе і ўзмацнення мер супраць нелегальных мігрантаў перспектывы шоу, дзе прызам стане грамадзянства, выглядаюць даволі сумнеўнымі.
Беларус, які жыве ў Тэхасе, тлумачыць, чаму рашэнні Трампа зразумелыя многім амерыканцам
«Суседзяў турбуе толькі аўтарынак». Беларус з Тэхаса расказаў пра настроі ў штаце, дзе «кожны сабака за Трампа»
«Блін, дарма купілі «Тэслу». Беларуска з Канады расказала, што мясцовыя жыхары думаюць пра палітыку Трампа
«Яны крывадушнікі проста». Беларускі нацыяналіст выказаўся пра «правы разварот», Трампа, прарасійскасць і мігрантаў не з Беларусі
«Людзі масава адмяняюць падпіскі на Amazon». Беларуска расказала, што адбываецца ў ЗША пасля прыходу Трампа
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады4
Каментары