Прэм'ер-міністр Польшчы Дональд Туск у эфіры тэлеканала TVP Info заявіў, што Польшча не будзе адпраўляць свае войскі ва Украіну. На пытанне, ці з'яўляецца гэтае рашэнне канчатковым, ён адказаў станоўча.
«Так, але такога ціску ўвогуле няма», — адказаў Туск на пытанне, ці канчаткова прынята рашэнне не адпраўляць польскія войскі ва Украіну.
Дональд Туск пракаментаваў пры гэтым выказванне спецыяльнага прадстаўніка ЗША па справах Украіны Кіта Келага. Той на мінулым тыдні на амерыканскім тэлеканале Fox Business заявіў, што нібыта разглядаецца магчымасць размяшчэння еўрапейскіх войскаў на захад ад Дняпра, і ў гэтай аперацыі магла б удзельнічаць і Польшча.
Туск адзначыў, што ўсе еўрапейскія партнёры, уключаючы прэзідэнта Францыі Эмануэля Макрона, федэральнага канцлера Германіі Фрыдрыха Мерца і прэм’ер-міністра Вялікабрытаніі Кіра Стармера, рашуча аспрэчылі гэтую інфармацыю. Ён падкрэсліў, што для яго гэта было абсалютна прынцыповае пытанне — польскія войскі не будуць накіраваныя ва Украіну.
Прэм’ер нагадаў, што Польшча не мае планаў адпраўляць вайскоўцаў ва Украіну. Замест гэтага яе роля — ахоўваць уласную і еўрапейскую мяжу з Расіяй і Беларуссю, а таксама забяспечваць лагістычную падтрымку, напрыклад, праз цэнтр у Жэшаве, праз які ідзе дапамога Украіне.
Ён таксама прызнаў, што былі асцярогі, нібыта такая пазіцыя Польшчы можа прывесці да яе аддалення ад прыняцця еўрапейскіх рашэнняў па Украіне, асабліва калі Францыя і Вялікабрытанія падтрымліваюць ідэю вайсковай прысутнасці, а Германія вагаецца. Аднак, як падкрэсліў Туск, гэтага не адбылося — ён застаецца ў пастаянным кантакце з лідарамі гэтых краін і нават мае зносіны з прэзідэнтам ЗША Дональдам Трампам.
Раней заяву Кіта Келага пра нібыта ўдзел польскіх войскаў у магчымай вайсковай місіі ва Украіне абверглі кіраўнік Міністэрства абароны Польшчы Уладзіслаў Косіняк-Камыш, а таксама міністр замежных спраў Радаслаў Сікорскі.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай17
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары