Келаг: ЗША разглядаюць магчымасць размяшчэння замежных войскаў ва Украіне
Спецыяльны пасланнік прэзідэнта ЗША па Украіне Кіт Келаг заявіў, што ў Вашынгтоне абмяркоўваюць магчымасць размяшчэння замежных войскаў ва Украіне пасля заканчэння вайны. У эфіры тэлеканала Fox News ён удакладніў, што гаворка ідзе пра вайсковы кантынгент з Вялікабрытаніі, Францыі, Германіі і Польшчы — краін, якія ўваходзяць у НАТА. Гэтыя сілы, якія называюць «сіламі стабільнасці», мяркуецца размясціць на захад ад Дняпра.
Акрамя таго, паводле Келага, абмяркоўваецца магчымасць стварэння міратворчай місіі для ўсходу Украіны. Удзел у ёй могуць узяць трэція краіны, і яе асноўная задача — маніторынг выканання рэжыму спынення агню.
Келаг таксама адзначыў, што пытанне далучэння Украіны да НАТА застаецца адкрытым, але на гэты момант такое сяброўства малаверагоднае. Магчыма, гэта адбудзецца ў будучыні, але не цяпер.
Асобная ўвага, паводле яго слоў, у перамовах надаецца сітуацыі вакол Запарожскай АЭС, якая знаходзіцца пад кантролем расійскіх войскаў, і вяртанню ўкраінскіх дзяцей, вывезеных з акупаваных тэрыторый.
Келаг падкрэсліў, што мірны працэс не будзе ідэальным, спатрэбяцца кампрамісы і саступкі. Але галоўнае — спыніць кровапраліцце, чаго, паводле яго слоў, і дамагаецца Дональд Трамп.
Ён дадаў, што гэта самы маштабны канфлікт у Еўропе з часоў Другой сусветнай вайны: агульныя страты з абодвух бакоў — забітымі і параненымі — ужо перавысілі 1,2 мільёна чалавек.
Уіткаф і Келаг 15 мая паедуць у Турцыю для ўдзелу ў перамовах
Спецпрадстаўнік Трампа Келаг назваў Пуціна галоўнай перашкодай на шляху да спынення агню ва Украіне
Спецпасланнік Трампа заявіў пра гатоўнасць Зяленскага да тэрытарыяльных саступак Расіі
Стыў Уіткаф падчас сустрэч з Пуціным карыстаўся паслугамі штатных перакладчыкаў з Крамля
Цяпер чытаюць
Што Бабарыка і Калеснікава адказалі на пытанні пра вайну48
Каментары