На працоўным стале ў Пуціна стаіць камп'ютар з аперацыйнай сістэмай, якая ўжо шмат год не абнаўляецца
Але палітык усё яшчэ ім карыстаецца, заўважыў тэлеграм-канал ЧТД.
Уладзімір Пуцін у сакавіку 2025 года. Фота: прэс-служба палітыка
На камп'ютары, што стаіць на працоўным стале ў Пуціна, устаноўлена аперацыйная сістэма Windows XP. Яна была выпушчаная яшчэ ў 2001 годзе, Microsoft спыніла яе падтрымку ў 2014-м, а апошняе абнаўленне бяспекі для яе было выпушчана ў 2019-м.
Гэта значыць, што камп'ютар Пуціна ўразлівы да пагроз, якія маглі з'явіцца ўжо пасля 2019 года.
Аўтары канала мяркуюць, што Пуцін сапраўды карыстаецца сваім працоўным камп'ютарам: мяркуючы па фатаграфіях, на працоўным стале змяняецца колькасць абразкоў.
Яны таксама заўважаюць, што пра састарэлую аперацыйную сістэму ў Пуціна медыя напісалі яшчэ ў 2019 годзе. Але тэхнічныя спецыялісты Крамля дагэтуль яе не замянілі.
Каментары