Жанчына злавіла на Прыпяці гіганцкага таўсталобіка. Яго вага — каля 60 кг
Беларусы працягваюць лавіць у беларускіх рэках і азёрах салідныя трафеі. Прычым памеры некаторых здзіўляюць. У канцы мая сям’я з Мазыра рыбачыла на Прыпяці і злавіла таўсталобіка вагой амаль 60 кг.
Аляксандр распавёў Onlíner, што тым ранкам рыбачыў з лодкі разам з сям’ёй — жонкай Святланай і сынам Мікітам — на Прыпяці, каля аграгарадка Барбарова. Калі рыба пачала кляваць на спінінг жонкі, спачатку падумалі, што гэта сом, але не!
Праз паўгадзіны рыбу дасталі з вады — і гігантам аказаўся таўсталобік. Прыехаўшы дадому, трафей узважылі — вагі паказалі 59,56 кг. «Таўсталобік — гэта заслуга жонкі, ну і снасці не падвялі», — сціпла прызнаў Аляксандр.
Таўсталобіка, радзімай якога з’яўляецца Усходняя і Паўднёва-Усходняя Азія, у Беларусі часта выкарыстоўваюць для засялення вадаёмаў. Ён харчуецца фітапланктонам. Вага рыбы можа дасягаць 20 кілаграмаў, але, як бачым, сустракаюцца асобіны значна буйнейшыя.
Каментары