Žančyna złaviła na Prypiaci hihanckaha taŭstałobika. Jaho vaha — kala 60 kh
Biełarusy praciahvajuć łavić u biełaruskich rekach i aziorach salidnyja trafiei. Pryčym pamiery niekatorych ździŭlajuć. U kancy maja siamja z Mazyra rybačyła na Prypiaci i złaviła taŭstałobika vahoj amal 60 kh.
Alaksandr raspavioŭ Onlíner, što tym rankam rybačyŭ z łodki razam ź siamjoj — žonkaj Śviatłanaj i synam Mikitam — na Prypiaci, kala ahraharadka Barbarova. Kali ryba pačała klavać na śpininh žonki, spačatku padumali, što heta som, ale nie!
Praz paŭhadziny rybu dastali z vady — i hihantam akazaŭsia taŭstałobik. Pryjechaŭšy dadomu, trafiej uzvažyli — vahi pakazali 59,56 kh. «Taŭstałobik — heta zasłuha žonki, nu i snaści nie padviali», — ścipła pryznaŭ Alaksandr.
Taŭstałobika, radzimaj jakoha źjaŭlajecca Uschodniaja i Paŭdniova-Uschodniaja Azija, u Biełarusi časta vykarystoŭvajuć dla zasialeńnia vadajomaŭ. Jon charčujecca fitapłanktonam. Vaha ryby moža dasiahać 20 kiłahramaŭ, ale, jak bačym, sustrakajucca asobiny značna bujniejšyja.
Kamientary