Гэта стала магчымым у выніку візіту ў Мінск спецпрадстаўніка прэзідэнта ЗША Дональда Трампа Кіта Келага.
«Цвёрдае кіраўніцтва прэзідэнта Трампа прывяло сёння да вызвалення 14 зняволеных з Беларусі. Дзякуй ураду Літвы за супрацоўніцтва і дапамогу — ён застаецца сапраўдным сябрам і хаўруснікам», — пракаментаваў у твітары намеснік Келага Джон Коул.
President Trump’s strong leadership led to the release of 14 prisoners from Belarus today. Thanks to the Lithuanian government for its cooperation and assistance - they remain a true friend and ally. pic.twitter.com/W9xUj29l4Z
«Момант, які я асабліва запомніў: гэта калі пад'ехаў фургон з гэтымі 14 людзьмі па адной з прасёлкавых дарог, па якой мы іх вялі. Я адчыніў дзверы, і ўсе яны сядзелі з апушчанымі галовамі. Яны не разумелі, што адбываецца. І я сказаў: «Вы вольныя». Некаторыя з іх размаўлялі па-ангельску, зразумелі мяне і перадалі астатнім. Усё змянілася. Яны не ведалі, куды іх вязуць — магчыма, думалі, што ў нейкае жудаснае месца. Іх прывезлі да мяне як сапраўдных зняволеных — з рукамі за спінай, усё па-сапраўднаму. Але калі яны пачулі, што вольныя, яны былі ў захапленні», — расказаў Коўл.
Адным з вызваленых стаў Сяргей Ціханоўскі. На свабодзе таксама экс-дацэнтка МДЛУ Наталля Дуліна, анархіст Акіхіра Гаеўскі-Ханада, журналіст Ігар Карней, беларуска Швецыі Галіна Краснянская, Кірыл Балахонаў, асуджаны па справе «Саюза Беларускага Нацыянальнага Шчыта», грамадзяне Латвіі Юрыс Ганіньш і Дзмітрыйс Міхайлаўс, грамадзянін Эстоніі Алан Роя. Вядома таксама пра трох вызваленых палякаў.
-
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
-
Ізраіль унёс у чорны спіс сотні крыптакашалькоў, меркавана, звязаных з іранскімі спецслужбамі. Заблакаваныя $1,5 мільёна
-
Саша Філіпенка: Статкевіч — глыба, але ў Беларусі ўжо дастаткова Мандэлаў на квадратны метр
Цяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары