У Польшчы завялі справу аб ненаўмысным забойстве пасля гібелі актывіста Каспяровіча
Пракуратура горада Новы Двур Мазавецкі пад Варшаваю расследуе гібель беларуса Змітра Каспяровіча паводле артыкула аб ненаўмысным прычыненні смерці. Што праўда, прыкметаў «механічнай траўмы» эксперты не знайшлі, паведамляе «Белсат».
Пракуратура горада Новы Двур Мазавецкі пачала расследаванне гібелі 43-гадовага беларуса Змітра Каспяровіча. Ягонае цела 20 чэрвеня знайшлі ў доме, дзе ён жыў.
«23 чэрвеня была заведзена крымінальная справа паводле артыкулу 155 Крымінальнага кодэксу. 24 чэрвеня было праведзенае анатамаванне. Папярэдняе заключэнне не паказала, што да смерці прывяла механічная траўма», — паведаміла «Белсату» прэс-сакратарка Акруговай пракуратуры варшаўскага раёну Прага Караліна Старас.
Хоць і заведзеная справа паводле артыкулу аб ненаўмысным прычыненні смерці, на ўмяшанне трэціх асобаў пакуль нічога не паказвае.
«На гэты момант эксперты не каментуюць, ці была смерць гвалтоўнаю і ці быў Зміцер К. цвярозы ў момант смерці. Расследаванне цяпер на самай ранняй стадыі, ідуць працэсуальныя дзеянні дзеля ўсталявання акалічнасцяў смерці».
Артыкул 155 Крымінальнага кодэкса Польшчы прадугледжвае зняволенне на тэрмін ад 3 месяцаў да 5 гадоў.
Цяпер чытаюць
Вярнуўся з Літвы — і быў арыштаваны за данаты. Гэты біёлаг раней даследаваў лейкозы — яго філасофія натхняе7
Каментары
трываюць працэсуальныя дзеянні - ПРАЦЯГВАЮЦЦА
----------трываць = терпеть, сохраняться, держаться,безропотно переносить------------