У мінскім парку імя Уга Чавеса працягваецца маштабная рэканструкцыя. Цяпер будаўнікі працуюць над чацвёртай чаргой аб’екта, якая цалкам прысвечана спорту.
Як паведамляе «Мінскбуд», галоўнай фішкай абноўленай тэрыторыі стане самая вялікая ў краіне пляцоўка для скейтбордынгу.
Акрамя гіганцкага скейт-парка, для жыхароў Каменнай Горкі рыхтуюць шмат іншых спартыўных пляцовак. Тут з’явіцца лыжаролерная траса працягласцю больш за два кіламетры, сучасная веладарожка і спецыяльныя зоны для пляжнага валейбола і футбола.
Таксама запланавана будаўніцтва хакейнай каробкі з штучным лёдам, якую зімой можна будзе выкарыстоўваць як коўзанку.
Частка прац ужо завершана: у парку ўсталявалі вулічныя трэнажоры, абсталявалі баскетбольныя пляцоўкі са спецыяльным бяспечным пакрыццём і праклалі сетку пешаходных дарожак. Тэрыторыю таксама актыўна азеляняюць, каб зрабіць больш утульнай для адпачынку.
Каментары