На Беларускай універсальнай таварнай біржы (БУТБ) упершыню зарэгістравалася кампанія з Паўночнай Карэі. Як паведамілі прадстаўнікі біржы выданню Office Life, фірма атрымала акрэдытацыю для закупкі сухога малака і ў будучыні плануе набываць і іншую сельскагаспадарчую прадукцыю.
Паўночнакарэйскі імпарцёр скарыстаўся спрошчанай працэдурай акрэдытацыі, якая дзейнічае для замежных пакупнікоў беларускіх малочных тавараў. У выніку на біржы цяпер зарэгістравана ўжо 8475 кампаній з 82 краін свету.
Паводле даных біржы, за першыя пяць месяцаў 2025 года на экспарт было прададзена больш за 56 тысяч тон сухога абястлушчанага і цэльнага малака — рост у параўнанні з аналагічным перыядам мінулага года склаў 426%. У 2024 годзе здзелкі рэгулярна заключалі толькі 38 замежных кампаній, а ў 2025-м іх колькасць узрасла да 151.
Сярод асноўных пакупнікоў беларускага сухога малака — Расія, Польшча, Германія, Сінгапур і Казахстан.
Каментары