У Тайландзе ўпершыню за амаль 30 гадоў зноў пабачылі суматранскага ката. А ўжо і не спадзяваліся
Упершыню за амаль 30 гадоў у тайскіх лясах зафіксавалі з’яўленне суматранскага ката — рэдкай дзікай жывёлы, што знаходзіцца на мяжы знікнення. Прычым гаворка ідзе не пра адзінкавы выпадак, а пра наяўнасць цэлай невялікай папуляцыі.
Апошні пацверджаны кантакт з гэтым катом, які памерам падобны да хатняга, а харчуецца пераважна рыбай, датаваны 1995 годам і адбыўся каля мяжы Тайланда і Малайзіі. Да 2014 года, не маючы новых сведчанняў, улады краіны сур’ёзна думалі, што гэты від у Тайландзе цалкам знік.
Як паведамляе выданне Mongabay, сустаршыня Групы спецыялістаў па каціных Міжнароднага саюза аховы прыроды Урс Брайтэнмозэр нядаўна заявіў, што пасля амаль трох дзесяцігоддзяў адсутнасці сляды суматранскага ката ўнайшлі ў лясах запаведніка дзікай прыроды імя прынцэсы Сірындхорн.
Асаблівую каштоўнасць знаходцы надало тое, што даследчыкі зафіксавалі таксама кацяня. Гэта сведчыць, што ў рэгіёне існуе не проста некалькі асобін, а жывёлы, якія паспяхова размнажаюцца. Вядома, што самка суматранскага ката звычайна нараджае толькі адно кацяня, таму такі факт лічыцца вельмі значным.
Гэтыя каты вядомыя сваёй выключнай утойлівасцю. Яны насяляюць балотныя лясы, якія цяжкадаступныя для чалавека з-за складаных прыродных умоў. Менавіта таму від доўгі час заставаўся незаўважаным.
У мінулым годзе арганізацыя Panthera разам з Дэпартаментам нацыянальных паркаў Тайланда пачала экалагічнае даследаванне на поўдні краіны. Навукоўцам давялося пралазіць праз небяспечныя тарфяныя балоты з вадой да грудзей і густыя мангравыя зараснікі, каб паставіць фотапасткі.
У выніку ў 2024 годзе камеры зафіксавалі 13 выпадкаў з’яўлення суматранскага ката, а ў 2025 годзе — яшчэ 16. Раней даследаванні абмяжоўваліся ўскраінамі лесу, а новыя звесткі даюць падставы меркаваць, што ў глыбіні лясных масіваў можа жыць значна больш жывёл, чым лічылася раней.
Навукоўцы называюць гэтае адкрыццё абнадзейлівым і важным крокам у справе захавання аднаго з самых рэдкіх відаў дзікіх катоў у свеце.
У Вялікабрытаніі забароняць варыць жыўцом крабаў і лобстараў
У Аўстраліі кіроўца аўтобуса ўратаваў каалу, якая перабягала дарогу
Шведскі музыка навучыў граць на піяніна васьмінога
«Ааааа! Пайшоў на х#р!» Беларус у Бразіліі сустрэўся з ягуарам і стаў мясцовай зоркай
П'яны янот учыніў начны дэбош у краме, а пасля заснуў у прыбіральні
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары