Лукашэнка — лівійскаму фельдмаршалу: Вы прыехалі да сваіх сяброў, да сябе дадому
Беларусь гатовая развіваць супрацоўніцтва з Лівіяй. Пра гэта Аляксандр Лукашэнка заявіў на сустрэчы з фельдмаршалам і вярхоўным галоўнакамандуючым Лівійскай нацыянальнай арміі Халіфой Белкасімам Хафтарам, піша БелТА.
«Спадар Хафтар, прашу лічыць, што вы прыехалі да сваіх сяброў, да сябе дадому. Шмат пра вас чытаў, шмат чуў, мне шмат расказвалі. Але, на жаль, сустракаюся ўпершыню. Я хачу, каб вы ведалі, што мы вельмі добра інфармаваныя пра сітуацыю ў Лівіі, вельмі добра ведаем Лівію. У мяне да вашага народа асаблівае стаўленне, я бываў у Лівіі ў свой час. Вядома, сёння гэта ўжо іншая Лівія. Але вы павінны ведаць, што мы гатовыя зрабіць для вас усё, што вы палічыце карысным у Беларусі», — сказаў Лукашэнка.
«Усё, пра што мы дамовімся сёння, у гэтыя дні вашага знаходжання ў Беларусі, мы выканаем своечасова. Таму дазвольце прывітаць у Беларусі вас і ўсіх членаў дэлегацыі. Мы гатовыя да працы», — дадаў ён
У сваю чаргу Халіфа Хафтар падкрэсліў, што таксама рады сустрэчы: «Мы вельмі рады наведаць Беларусь. Вялікі вам дзякуй за запрашэнне. Мы вельмі радыя і хочам супрацоўнічаць з вамі».
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары