Пры перасячэнні беларуска-польскай мяжы збегла кошка. Яе лавілі з дапамогай цеплавізара
Эйр уцякла ад гаспадароў з аўтобуса на беларуска-польскай мяжы, паведамляе праект zooshans_by.
Кошка Эйр знікла пры перавозцы − проста на мяжы ў раёне пунктаў пропуску «Брэст»—«Тарэспаль» учора а 4-й раніцы.
— Яна зламала пераноску і выбегла з аўтобуса, − пісалі гаспадыні кошкі.
− Нашы дзяўчаты паехалі ў Брэст, узялі ў арэнду цеплавізар. Абвешалі ўсюды мноства аб’яў… — так апісваюць валанцёры ратавальную аперацыю.
Эйр знайшлі ў полі.
Каментары