«Я страціла сэнс жыцця». Спявачцы Рыце Дакота забаранілі выступаць у Расіі
Пра забарону на выступленні ў Расіі напісала ў інстаграме сама спявачка. Яе паведамленне вытрымана ў роспачным стылі, а Расія называецца «роднай краінай», у якой «назаўсёды засталася мая душа».
«Мне больш нельга выступаць у Расіі. Я не магу граць канцэрты там, дзе назаўсёды засталася мая душа.
Здаецца, гэта канец маёй кар'еры як музыкі ў роднай краіне, і ў мяне да гэтай пары няма мужнасці гэта стойка прыняць. Гэта разбіла мне сэрца…» — піша спявачка.
«Я страціла самае галоўнае, што было ў маім жыцці як у творцы: сваю місію, мэту, сэнс жыцця, магчымасць служыць людзям, быць побач з імі, працягваць свае дабрачынныя праекты, абдымаць і злучаць людзей сваёй музыкай. І я не ведаю, як мне перажыць гэта, не звіхнуўшыся з болю», — гаворыць яна, адзначаючы, што спявала сваю «добрую лекавую музыку», пакуль «магла заставацца свабодным, сумленным і незалежным артыстам».
Прычыну забароны на выступленні спявачка не называе. Але вядома, што ў 2020-м яна падтрымала беларускіх пратэстоўцаў, не прамаўчала і ў лютым 2022-га: «Усё, што адбываецца сёння — ё****е дно, ніводны разумны чалавек на свеце не падтрымае вайны. У вайне няма пераможцаў, у вайне прайграюць усе. Мы браты, не давайце палітычным гульням змяніць гэта». Гэты пост у яе цяпер выдалены.
«Чатыры месяцы не магла заплюшчыць вока». Рыта Дакота паказала жудасны пабочны эфект касметычнай аперацыі
Рыта Дакота аддае фанаткам сваю вясельную сукенку. Але забіраць трэба на Балі
Як Рыта Дакота хацела пабудаваць вілу на Балі, але не атрымалася
Спявачка Рыта Дакота выпускае калекцыю дарагіх купальнікаў з «сэксі-прапорцыямі»
Беларусы, якія сталі зоркамі ў Расіі: што з імі стала за час поўнамаштабнай вайны?
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары