«У нас у Літве проста так не б'юць». Збіты журналіст «Маланкі» расказаў, як ідзе расследаванне інцыдэнту
25 ліпеня стала вядома, што на аднаго з супрацоўнікаў беларускага СМІ Malanka Media напалі на вуліцы — мужчына ў стане алкагольнага ап'янення раптам ударыў яго некалькі разоў па твары. Цяпер пацярпелы расказаў, як прасоўваецца расследаванне па ягонай справе.
Па гэтым інцыдэнце была заведзеная крымінальная справа. Аднак, па словах пацярпелага, з пятніцы справа ніяк не зрушылася з мёртвага пункту: паліцыя нават не зняла запісы з камер і не дапытала відавочцаў, у тым ліку жанчыну, якая выклікала хуткую.
Падазрэнні, што справу замнуць, у хлопца з'явіліся адразу. У бальніцы, куды яго даставілі, дактары адмовіліся выклікаць паліцыю і параілі ісці туды самому. У пастарунку супрацоўнік паліцыі спытаў: «Па справе пабілі?» — а пачуўшы адказ «не», нібыта заявіў: «У нас у Літве проста так не б'юць».
Следчая, якая афармляла заяву, удакладняла ў беларуса, ці ўпэўнены ён, што хоча даводзіць справу да разглядаў.
Сёння пацярпелы зноў сустрэў нападніка — той спакойна гуляў у двары дома, дзе некалькі дзён таму і адбылося злачынства. Званок у паліцыю не дапамог: мужчыну нібыта адказалі, што «лавіць ужо няма каго» і параілі ператэлефанаваць, калі той вернецца ў двор.
Стала вядома, дзе працуе фаварытка Лукашэнкі Уладлена Зайцава19
Каментары