«Уіткаф не ведае, пра што кажа». Спецпасланнік Трампа няправільна зразумеў Пуціна — Крэмль усё яшчэ хоча атрымаць чатыры ўкраінскія вобласці
Уладзімір Пуцін па‑ранейшаму хоча цалкам кантраляваць Данецкую, Луганскую, Запарожскую і Херсонскую вобласці. Ён прапанаваў толькі частковае спыненне агню — адмову ад удараў па энергетычнай інфраструктуры і буйных гарадах у тыле. Але не ўсеагульнае спыненне агню, кажуць крыніцы Bild.
ЗША ж, наадварот, прапанавалі замарозіць канфлікт па бягучай лініі фронту ў абмен на шырокае зняцце санкцый і новыя эканамічныя пагадненні з Расіяй. Паводле інфармацыі Bild, Крэмль на гэтую прапанову ісці не захацеў.
Больш за тое, спецпасланнік ЗША Стыв Уіткаф няправільна зразумеў заявы Пуціна і прыняў іх за саступку. Так, запатрабаваны Расіяй «мірны адступ украінцаў» з Херсона і Запарожжа ён зразумеў як прапанову «мірнага адступлення» расіян з гэтых рэгіёнаў.
«Уіткаф не ведае, пра што кажа», — заявіў украінскі ўрадавы чыноўнік у размове з Bild. Паводле інфармацыі рэдакцыі, такую ацэнку падзяляюць і прадстаўнікі нямецкага ўрада.
Увечары 7 ліпеня, як стала вядома Bild, адбылася тэлефонная канферэнцыя паміж ЗША — а менавіта спецпасланнікам Уіткафам, дзяржсакратаром Марка Рубіа і віцэ-прэзідэнтам Джэй Дзі Вэнсам — і еўрапейскімі партнёрамі.
У еўрапейцаў склалася ўражанне, што амерыканцы яшчэ самі не прыйшлі да адзінага разумення таго, што адбываецца. Гэта было звязана перш за ўсё з Уіткафам, чые заявы пра яго размову з Пуціным у Крамлі былі ўспрыняты як блытаныя. Еўрапейцам ён здаўся перагружаным і малакваліфікаваным, калі казаў пра тэрытарыяльныя пытанні.
Акрамя таго, відавочна, што паміж Уіткафам і Рубіа існуюць разыходжанні наконт ролі Еўропы. Дзяржсакратар падкрэсліваў, што еўрапейцы павінны быць уцягнуты ў перамоўны працэс, у тым часе як Вэнс і Уіткаф хацелі толькі інфармаваць Еўропу аб выніках далейшых крокаў Трампа.
Трамп: Паміж Украінай і Расіяй мае адбыцца абмен тэрыторыямі ў інтарэсах абодвух бакоў
Зяленскі пра магчымасць «абмену тэрыторыямі»: Дарыць сваю зямлю акупанту ўкраінцы не будуць
Губернатар Аляскі гатовы прыняць гістарычную сустрэчу Трампа і Пуціна
Дональд Трамп заявіў, што сустрэнецца з Пуціным 15 жніўня на Алясцы
ЗША, Украіна і еўрапейскія саюзнікі плануюць сустрэцца ў Вялікабрытаніі перад самітам Трампа і Пуціна
Цяпер чытаюць
Вядучы СТБ Раман Пратасевіч пабраўся шлюбам трэцім разам36
Каментары
Панабіраюць па аб'явах...
Яшчэ адзін прыклад, як губляцца прафесіяналізм у вертыкалях улады.
Або ён ізноў не ўзяў свайго прафесійнага перакладчыка і карыстаўся крамлёўскімі?
Як раней: https://dck8xvlq18iei.cloudfront.net/367614