Стыў Уіткаф падчас сустрэч з Пуціным карыстаўся паслугамі штатных перакладчыкаў з Крамля
Спецпрадстаўнік прэзідэнта ЗША па пытаннях Блізкага Усходу Стыў Уіткаф карыстаўся падчас трох візітаў у Расію штатнымі перакладчыкамі адміністрацыі прэзідэнта Расіі Уладзіміра Пуціна. Такім чынам Уіткаф парушаў дыпламатычны пратакол, піша NBC News.
Паколькі Стыў Уіткаф не ведае рускай мовы, то ён павінен быў бы мець уласнага перакладчыка для таго, каб весці перамовы з Пуціным. Карыстанне ж паслугамі крамлёўскіх перакладчыкаў прывяло да таго, што Уіткаф мог не разумець, пра што перакладчык гаварыў з Пуціным у ягонай прысутнасці.
Таксама Уіткаф не браў з сабой на сустрэчы з Пуціным дарадцаў з ліку амерыканскіх экспертаў. Такім чынам, ён рызыкаваў тым, што некаторыя нюансы ў паведамленнях Пуціна будуць прапушчаныя, і ён не змог бы самастойна праверыць тое, што яму казалі.
Пры гэтым Уладзімір Пуцін удзельнічаў у перамовах не сам — з ім былі ягоны дарадца Юрый Ушакоў і спецпрадстаўнік па пытаннях эканамічнага супрацоўніцтва Кірыл Дзмітрыеў.
Прысутнасць перакладчыка з ЗША таксама забяспечвае больш дакладную пісьмовую справаздачу пра сустрэчу для адміністрацыі прэзідэнта ЗША. Адсутнасць падрабязных нататак пра сустрэчы можа стварыць праблемы для іншых высокапастаўленых членаў адміністрацыі Трампа, такіх як дзяржсакратар Марка Рубіа і спецыяльны пасланнік Трампа па Украіне Кіт Келаг.
Адсутнасць нататак з гэтых сустрэч або іх недакладнасць таксама выклікае пытанні адносна канфідэнцыйнай інфармацыі, якую Стыў Уіткаф мог расказаць Пуціну падчас сустрэч, піша выданне.
Стыў Уіткаф сустракаўся з Уладзімірам Пуціным з пачатку сваёй працы ў адміністрацыі прэзідэнта Дональда Трампа 4 разы. 25 красавіка іх сустрэча ў Маскве доўжылася больш за 3 гадзіны, а 11 красавіка у Санкт-Пецярбургу — больш за 4.
Спецпрадстаўнік Трампа: Украіне могуць быць не патрэбныя рускамоўныя рэгіёны
«Для нас гэта чырвоныя лініі». Зяленскі адказаў на словы Уіткафа пра «пяць тэрыторый»
У Крамлі далі зразумець, што Вашынгтон выступае не з тымі прапановамі
ЗША прапанавалі Кіеву прызнаць Крым расійскім і адмовіцца ад уступлення ў НАТА — WSJ
ЗША прапануюць Украіне мірны план, які дазволіць Пуціну захаваць захопленыя тэрыторыі. Сталі вядомыя амерыканскія прапановы
Цяпер чытаюць
Польшча прызнала Аляксандра Машэнскага непажаданай асобай27
Каментары