Паводле слоў дзяржаўнага сакратара ЗША, сустрэча будзе насіць азнаямленчы характар.
Дзяржаўны сакратар ЗША Марка Рубіа заявіў, што запланаваная на пятніцу сустрэча Дональда Трампа з Уладзімірам Пуціным на Алясцы не з’яўляецца перамогай для Крамля і не павінна ўспрымацца як саступка Расіі.
Паводле яго слоў, сустрэча будзе насіць азнаямленчы характар, падчас якой Трамп імкнецца даць уласную ацэнку сітуацыі, «глядзячы гэтаму чалавеку ў вочы». Пра гэта дзяржаўны сакратар ЗША Марка Рубіа заявіў у інтэрв’ю Сіду Розенбергу ў падкасце Sid & Friends in the Morning, піша «Украінская праўда».
«Для прэзідэнта Трампа сустрэча — гэта не саступка. Калі паглядзець навіны, то бачыш, як людзі вар’яцеюць: «О, якая перамога для Пуціна; ён атрымаў сустрэчу!». Ён сам гэтага так не ўспрымае. Сустрэча — гэта тое, што вы робіце, каб высветліць пазіцыі і прыняць рашэнне. «Я хачу мець усе факты. Я хачу паглядзець гэтай асобе ў вочы». І менавіта гэта прэзідэнт хоча зрабіць».
Рубіа адзначыў, што пятнічная сустрэча на Алясцы будзе мець азнаямленчы характар, і ўжо на яе «пачатку мы зразумеем, ці ёсць наогул шанец на поспех, ці не».
Дзяржсакратар падкрэсліў, што Трамп мае рэпутацыю «выключнага майстра заключэння здзелак» і «неверагоднага перамоўшчыка», чый падыход асабліва эфектыўны падчас асабістай размовы.
Сустрэча прэзідэнтаў Расіі і ЗША Уладзіміра Пуціна і Дональда Трампа павінна прайсці ў пятніцу 15 жніўня на Алясцы.
Яна адбудзецца на сумеснай вайсковай базе ВПС і Сухапутных войскаў ЗША «Элмендорф-Рычардсан» у Анкорыджы, паведаміў тэлеканал CNN са спасылкай на крыніцы ў Белым доме.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію5
Каментары
А рубио просто подстраивается под лапидарную гениальность трампа. Тем более, что Республиканская Партия под семейным, финансовым контролем семьи трампа.
Трампу нужна сделка с путиным за счёт капитуляции Украины, но, которая (сделка) должна учитывать и сохранить личную выгоду трампа в сотрудничестве с путиным.
Россия - актив для Трампа, Украина нет.