У Магілёўскай вобласці жанчыны трапілі ў бальніцу пасля падпольных уколаў прыгажосці
Дзяржаўны камітэт судовых экспертыз расследуе выпадкі ўскладненняў пасля правядзення касметалагічных працэдур у хатніх умовах. За апошні час у ведамства паступіла некалькі матэрыялаў аб няўдалых касметычных умяшаннях.
Адна з пацярпелых зрабіла ін’екцыі ботаксу ў вобласць твару і шыі ў майстра на даму. Праз некалькі дзён у жанчыны з’явілася цяжкасць пры глытанні, слабасць цягліц, дрыжыкі і выяўленая стомленасць.
Першапачаткова яна спрабавала лячыцца самастойна, але стан пагоршыўся — узніклі праблемы з дыханнем.
Жанчыну шпіталізавалі з дыягназам «ацёк Квінке», яна правяла больш за два тыдні ў стацыянары. Нават праз два з паловай месяцы яна працягвала скардзіцца на болі ў цягліцах і моцную стомленасць.
З падобнымі сімптомамі да медыкаў звярнулася яшчэ адна жыхарка рэгіёна. Пасля ўколаў у яе развіўся моцны ацёк павекаў, парушыўся зрок, з’явіліся галавакружэнне, аняменне языка і цяжкасці з маўленнем.
Судовыя эксперты адзначылі, што ў абодвух выпадках назіралася міястэнічная рэакцыя — празмернае паслабленне цягліц. Аднак дакладную прычыну ўскладненняў вызначыць не ўдалося. Яна магла быць выклікана як медыцынскімі працэдурамі, так і спадчыннымі, інфекцыйна-таксічнымі або хранічнымі фактарамі.
Па фактах здарэнняў вядзецца праверка.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары