«Замарозка»: Падаляк назваў адзін з магчымых сцэнароў завяршэння вайны ва Украіне
Канчатковае рашэнне будзе прымаць прэзідэнт Уладзімір Зяленскі.
Замарожванне баявых дзеянняў па лініі фронту з’яўляецца адным з магчымых сцэнароў завяршэння вайны ва Украіне. Аднак канчатковае рашэнне будзе прымаць прэзідэнт Уладзімір Зяленскі. Пра гэта заявіў дарадца кіраўніка Офіса прэзідэнта Міхаіл Падаляк, паведамляе РБК-Украіна.
У прыватнасці, яго спыталі, ці праўдзівая інфармацыя, што Украіна гатовая замарозіць сітуацыю па цяперашняй лініі фронту, на што Падаляк адказаў наступнае:
«Калі казаць рэалістычна — так. Адзін з магчымых сцэнараў — замарозка па лініі фронту. І прэзідэнт пра гэта гаворыць. Але я думаю, што рашэнне пра фінал, пра сцэнар, які будзе фінальным, будзе прымаць прэзідэнт», — сказаў дарадца кіраўніка ОП.
Ён дадаў, што цяпер ідуць кансультацыі на ўзроўні прэзідэнта Украіны і лідараў Еўропы. У прыватнасці, існуе дакладнае бачанне і разуменне рызыкаў, якія надалей будзе несці Расія.
Таксама Падаляк адзначыў, што існуе нядрэнны перагаворны працэс з амерыканскімі партнёрамі. Акрамя таго, на яго думку, пасля падзей у Пекіне і Цяньцзіні ЗША будуць больш рэалістычна глядзець на тое, што адбываецца ў свеце.
«Якая ідзе перабудова, хто будзе дамінаваць і навошта дазваляць гэтую перабудову даводзіць да канца. Калі ты хочаш, каб гэтая перабудова не выглядала антыамерыканскай, табе трэба інвеставаць ва Украіну, інвеставаць у тое, каб вайна фіналізавалася больш-менш справядліва. Каб Расія не атрымала нічога. Ніякіх дывідэндаў», — рэзюмаваў Падаляк.
Зяленскі ў Парыжы распавёў, чаму Украіна не можа пайсці на тэрытарыяльныя саступкі
Пуцін не супраць сустрэцца з Зяленскім, калі той прыедзе да яго ў Маскву
«Пуцін працягвае дурыць галаву». У Кіеве адказалі на прапанову Зяленскаму прыехаць у Маскву
З асабістай сустрэчай Пуціна і Зяленскага носяцца як з пісанай торбай. Але што яна насамрэч зменіць?
Эрдаган заявіў, што Пуцін і Зяленскі пакуль не гатовыя да двухбаковай сустрэчы
Каментары