«Zamarozka»: Padalak nazvaŭ adzin z mahčymych scenaroŭ zaviaršeńnia vajny va Ukrainie
Kančatkovaje rašeńnie budzie prymać prezident Uładzimir Zialenski.
Zamarožvańnie bajavych dziejańniaŭ pa linii frontu źjaŭlajecca adnym z mahčymych scenaroŭ zaviaršeńnia vajny va Ukrainie. Adnak kančatkovaje rašeńnie budzie prymać prezident Uładzimir Zialenski. Pra heta zajaviŭ daradca kiraŭnika Ofisa prezidenta Michaił Padalak, paviedamlaje RBK-Ukraina.
U pryvatnaści, jaho spytali, ci praŭdzivaja infarmacyja, što Ukraina hatovaja zamarozić situacyju pa ciapierašniaj linii frontu, na što Padalak adkazaŭ nastupnaje:
«Kali kazać realistyčna — tak. Adzin z mahčymych scenaraŭ — zamarozka pa linii frontu. I prezident pra heta havoryć. Ale ja dumaju, što rašeńnie pra finał, pra scenar, jaki budzie finalnym, budzie prymać prezident», — skazaŭ daradca kiraŭnika OP.
Jon dadaŭ, što ciapier iduć kansultacyi na ŭzroŭni prezidenta Ukrainy i lidaraŭ Jeŭropy. U pryvatnaści, isnuje dakładnaje bačańnie i razumieńnie ryzykaŭ, jakija nadalej budzie nieści Rasija.
Taksama Padalak adznačyŭ, što isnuje niadrenny pierahavorny praces z amierykanskimi partniorami. Akramia taho, na jaho dumku, paśla padziej u Piekinie i Ciańczini ZŠA buduć bolš realistyčna hladzieć na toje, što adbyvajecca ŭ śviecie.
«Jakaja idzie pierabudova, chto budzie daminavać i navošta dazvalać hetuju pierabudovu davodzić da kanca. Kali ty chočaš, kab hetaja pierabudova nie vyhladała antyamierykanskaj, tabie treba inviestavać va Ukrainu, inviestavać u toje, kab vajna finalizavałasia bolš-mienš spraviadliva. Kab Rasija nie atrymała ničoha. Nijakich dyvidendaŭ», — reziumavaŭ Padalak.
Zialenski ŭ Paryžy raspavioŭ, čamu Ukraina nie moža pajści na terytaryjalnyja sastupki
Pucin nie suprać sustrecca ź Zialenskim, kali toj pryjedzie da jaho ŭ Maskvu
«Pucin praciahvaje duryć hałavu». U Kijevie adkazali na prapanovu Zialenskamu pryjechać u Maskvu
Z asabistaj sustrečaj Pucina i Zialenskaha nosiacca jak ź pisanaj torbaj. Ale što jana nasamreč źmienić?
Erdahan zajaviŭ, što Pucin i Zialenski pakul nie hatovyja da dvuchbakovaj sustrečy
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary