Трамп вырашыў перагледзець міжнародную дамову, якая забараняе прадаваць магутныя баявыя дроны
Дональд Трамп вырашыў памяняць правілы міжнароднай дамовы 1987 года аб кантролі над ракетнымі тэхналогіямі, каб адкрыць магчымасць прадаваць сучасныя баявыя дроны за мяжу. Найбольшую цікавасць да іх ужо праяўлялі Саудаўская Аравія, Аб’яднаныя Арабскія Эміраты і шэраг краін Усходняй Еўропы, піша Reuters.
Згодна з дзейнымі нормамі гэтага пагаднення, буйныя беспілотнікі кшталту MQ-9 Reaper прыраўноўваюцца да ракет, бо здольныя пераадольваць вялікія адлегласці і несці боезарады. Таму іх продаж абмежаваны і атрымаць дазвол вельмі цяжка. Трамп жа хоча перакласіфікаваць такія апараты як самалёты, што дазволіць зняць абмежаванні і свабодна іх экспартаваць.
Гэтая змена адкрые шлях для буйных здзелак, напрыклад, пастаўкі сотні дронаў Саудаўскай Аравіі ў межах пакета ўзбраенняў коштам у сотні мільярдаў даляраў. Таксама ў закупках зацікаўленыя іншыя дзяржавы Персідскага заліва і краіны, што знаходзяцца каля межаў Расіі.
ЗША самі выкарыстоўваюць MQ-9 Reaper для назірання і патрулявання, напрыклад, над Чорным морам. Украіне ж пакуль такія апараты не прадавалі з-за рызыкі, што тэхналогіі трапяць да праціўнікаў. Затое Турцыя ўжо супрацоўнічае з Кіевам і пастаўляе менш далёкаходныя дроны Bayraktar-TB2, што не трапляюць пад строгія абмежаванні дамовы.
Пасля ўвядзення новай палітыкі амерыканскія вытворцы буйных беспілотнікаў змогуць прапаноўваць іх за мяжу як звычайную вайсковую тэхніку, што значна спросціць іх продаж.
Трамп разглядае магчымасць выкарыстання для гарантый Украіне амерыканскіх ПВК
ЗША прададуць Украіне 3350 дальнабойных ракет ERAM
Трамп заявіў, што абмяркоўваў з Пуціным ядзернае раззбраенне
Украіна прапанавала ЗША здзелку па пастаўках зброі на $100 мільярдаў і адмовілася ад тэрытарыяльных саступак Расіі
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары