Tramp vyrašyŭ pierahledzieć mižnarodnuju damovu, jakaja zabaraniaje pradavać mahutnyja bajavyja drony
Donald Tramp vyrašyŭ pamianiać praviły mižnarodnaj damovy 1987 hoda ab kantroli nad rakietnymi technałohijami, kab adkryć mahčymaść pradavać sučasnyja bajavyja drony za miažu. Najbolšuju cikavaść da ich užo prajaŭlali Saudaŭskaja Aravija, Abjadnanyja Arabskija Emiraty i šerah krain Uschodniaj Jeŭropy, piša Reuters.
Zhodna ź dziejnymi normami hetaha pahadnieńnia, bujnyja bieśpiłotniki kštałtu MQ-9 Reaper pryraŭnoŭvajucca da rakiet, bo zdolnyja pieraadolvać vialikija adlehłaści i nieści bojezarady. Tamu ich prodaž abmiežavany i atrymać dazvoł vielmi ciažka. Tramp ža choča pierakłasifikavać takija aparaty jak samaloty, što dazvolić źniać abmiežavańni i svabodna ich ekspartavać.
Hetaja źmiena adkryje šlach dla bujnych ździełak, naprykład, pastaŭki sotni dronaŭ Saudaŭskaj Aravii ŭ miežach pakieta ŭzbrajeńniaŭ koštam u sotni miljardaŭ dalaraŭ. Taksama ŭ zakupkach zacikaŭlenyja inšyja dziaržavy Piersidskaha zaliva i krainy, što znachodziacca kala miežaŭ Rasii.
ZŠA sami vykarystoŭvajuć MQ-9 Reaper dla nazirańnia i patrulavańnia, naprykład, nad Čornym moram. Ukrainie ž pakul takija aparaty nie pradavali z-za ryzyki, što technałohii trapiać da praciŭnikaŭ. Zatoje Turcyja ŭžo supracoŭničaje z Kijevam i pastaŭlaje mienš dalokachodnyja drony Bayraktar-TB2, što nie traplajuć pad strohija abmiežavańni damovy.
Paśla ŭviadzieńnia novaj palityki amierykanskija vytvorcy bujnych bieśpiłotnikaŭ zmohuć prapanoŭvać ich za miažu jak zvyčajnuju vajskovuju techniku, što značna sprościć ich prodaž.
Tramp razhladaje mahčymaść vykarystańnia dla harantyj Ukrainie amierykanskich PVK
ZŠA pradaduć Ukrainie 3350 dalnabojnych rakiet ERAM
Tramp zajaviŭ, što abmiarkoŭvaŭ z Pucinym jadziernaje razzbrajeńnie
Ukraina prapanavała ZŠA ździełku pa pastaŭkach zbroi na $100 miljardaŭ i admoviłasia ad terytaryjalnych sastupak Rasii
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»19
Kamientary