Складзены спіс трас, на якіх найчасцей адбываюцца ДТЗ з дзікімі жывёламі
У 2025 годзе колькасць ДТЗ з удзелам дзікіх жывёл працягвае расці, паведамляе Дзяржінспекцыя аховы жывёльнага і расліннага свету.
Ілюстрацыйнае фота сацсеткі
Так, за 8 месяцаў з пачатку года зарэгістравана 3349 падобных аварый (на 32% больш, чым за такі ж перыяд 2024 года), у выніку якіх загінулі або атрымалі траўмы 3406 жывёл. Гэта рэкорд за ўсе гады вядзення статыстыкі.
Часцей за ўсё ДТЗ з дзікімі жывёламі адбываюцца на наступных трасах, паведамляюць у ведамстве:
- М2 Мінск — Нацыянальны аэрапорт Мінск;
- М6 (E30) Мінск — Гродна — мяжа Рэспублікі Польшча («Брузгі»);
- М1 (E30) Брэст («Казловічы») — Мінск — мяжа Расійскай Федэрацыі;
- М4 Мінск — Магілёў;
- М5 Мінск — Гомель.
Найбольш часта падобныя аварыі фіксуюцца ў другім і чацвёртым кварталах года. Больш за ўсё ДТЗ — у маі.
Найменш часта аварыі з дзікімі жывёламі адбываюцца ў лютым.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны20
Каментары