Свет2121

Украіна на перамовах з ЗША адхіліла тры ключавыя патрабаванні «мірнага плана»

Тэлеканал CNN паведамляе, што, хоць прэзідэнт ЗША Дональд Трамп гаворыць пра прагрэc у перамовах адносна заканчэння вайны, Украіна адхіліла тры ключавыя пункты прапанаванага Вашынгтонам «мірнага плана».

Здымак ілюстрацыйны. Крыніца: Ukrainian Presidential Press Office via AP

Са спасылкай на высокапастаўленую ўкраінскую крыніцу, CNN сцвярджае, што Кіеў не згодны:

  • перадаваць Расіі тэрыторыі Данбаса, якія не знаходзяцца пад акупацыяй;
  • скарачаць сваю армію да 600 тысяч чалавек;
  • адмаўляцца ад магчымасці далучэння да НАТА.

Крыніца адзначыла, што гаварыць пра гатовую і прымальную для Украіны версію плана пакуль нельга. ЗША нібыта прапаноўвалі зрабіць частку Данбаса дэмілітарызаванай зонай пад кантролем Расіі, аднак тэрытарыяльныя пытанні застаюцца няўзгодненымі. Кіеў жа дабіваецца змякчэння абмежавання па колькасці войска і сцвярджае, што адмова ад НАТА стварыла б небяспечны прыклад расійскага ўплыву на альянс.

CNN адзначае, што ўсе тры спрэчныя пункты супадаюць з патрабаваннямі Масквы адносна завяршэння вайны.

На мінулым тыдні стала вядома, што ў адміністрацыі Трампа падрыхтавалі свой «мірны план» па Украіне. Першапачаткова ў ім было 28 пунктаў, якія прэзентаваў Кіеву міністр арміі ЗША Дэн Дрыскал. Пасля абмеркавання ў Жэневе дакумент нібыта скарацілі, па словах Данальда Трампа, да 22 пунктаў, хоць СМІ раней паведамлялі пра 19.

Як сцвярджаюць крыніцы Reuters, амерыканская ініцыятыва грунтавалася на прапановах Расіі, якія тая перадала Вашынгтону ў кастрычніку. У Маскве сфармулявалі свае ўмовы мірнага ўрэгулявання, якія Украіна ўжо раней адкідала. Паводле апублікаванай расшыфроўкі размовы паміж расійскімі чыноўнікамі Юрыем Ушаковым і Кірылам Дзмітрыевым, расійскі бок перадаў амерыканцам сваю версію плана, каб ЗША маглі прапанаваць яго як уласны.

Каментары21

  • Валодзя
    26.11.2025
    Ха, армія ў 600 тысяч - гэта была б буйнейшая армія ў Еўропе, і нумар 7 у свеце. Такую армію яшчэ паспрабуй утрымаць фінансава. Такая армія, добра узброеная і падрыхтаваная, лёгка справіцца з расейскай. Таму гэтае "абмежаванне" - ніякае не абмежаванне. Далей. У ната Украіну не прымуць ніколі. Трэба глядзець на рэчы рэальна. Ды і з арміяй ў 600 тысяч - на што Украіне тое ната? Хто там яе "бараніць" будзе, Славенія? Таму на гэтыя "патрабаванні" якраз і трэба было пагаджацца. Каб зрабіць выгляд "мы ідзём на саступкі". Хітрэйшымі трэба быць, а не наіўнымі.
  • Filipp
    26.11.2025
    "Украіна на перамовах з ЗША адхіліла тры ключавыя патрабаванні «мірнага плана»"©
    Чаму і не, кожны бок мае права працягваць вайну, паглядзім як на гэтую адмову адрэагуе ЗША.
  • Сяргей
    26.11.2025
    Валодзя - магчыма, што пасля прыпынення баявых дзеяў, Украіна сама скароціць свае збройныя сілы ў яшчэ большым размеры цераз фінансавыя меркаванні . Але гэта будзе сувярэннае рашэнне Украіны, як і магчымыя павялічэнні залежна ад абставін. Паколькі Расея не бярэ на сябе ніякіх забавязань абмежавання сваёй арміі, то і Ўкраіні гэткія абмежаванні не патрэбныя.
    У НАТА Украіну прыймуць абавязкова, калі яна выканае ўсе ўмовы ды крытэрыі, ў тым ліку - наяўнасць грамадзянскага кантролю за сілавымі структурамі. Бо гэта будзе выгадным для ўсіх краін-членаў.
    НАТА - абарончы саюз, а не нападальны, і Расея як не-член НАТА ня можа ставіць жодных вымог да калектыўных рашэнняў адносна прыёму ў члены, калі датрымана Статутныя працэдуры ды крытэрыі.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць