У межах адмысловай серыі «Кніжны рысь» выйшаў з друку раман-казка Дж. Р. Толкіна «Хобіт» у перакладзе на беларускую мову Франца Корзуна. Цяпер пачалася рассылка асобнікаў тым, хто папярэдне замаўляў навінку, піша bellit.info.
Таксама кніга мае графічныя ілюстрацыі ўнутры, якія зрабіла Ганна Плотнікава.»Акрамя малюнкаў да кожнага раздзела, Ганна зрабіла больш за 100 дробных «замалёвак на палях», быццам сам аўтар, пішучы тэкст, накідваў вобразы, што ўзнікалі ў ягоным уяўленні», — расказваюць пра адметнасці выдання на старонцы «Кніжны рысь».
Ініцыятары выдання таксама дзякуюць за кансультацыю пры стварэнні мапаў ды іншую дапамогу і парады Андрэю Строцаву, які знаецца на толкінаўскім сусвеце.
«Хобіт» Дж. Р. Толкіна стаў трэцяй грунтоўнай перакладчыцкай працай Франца Корзуна, у чыім перакладзе раней выходзілі «Паліяна» Элінор Х. Потэр і «Лісты Круцяля» Клайва Стэйплза Льюіса.
Таксама над уласным перакладам «Хобіта» цяпер працуе Ігар Кулікоў, перакладчык трылогіі Дж. Р. Толкіна «Валадар пярсцёнкаў». Кніга мае пабачыць свет у выдавецтве «Янушкевіч».
-
Рэстаўратары аднаўляюць знакаміты жыровіцкі іканастас. Але ў гістарычным колеры ў манастыры яго наўрад ці пабачаць
-
Пабялілі ўсё, да чаго змаглі дацягнуцца. У касцёле ў Жупранах, дзе пахаваны Багушэвіч, зрабілі еўрарамонт
-
Мінкульт пазбавіў статусу помніка архітэктуры згарэлую царкву ў Сцяпанках. Каб не аднаўляць?
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі2
Каментары