Міністр унутраных спраў Польшчы падпісаў распараджэнне аб адкрыцці мяжы
Міністр унутраных спраў і адміністрацыі Польшчы Марцін Кервіньскі падпісаў распараджэнне аб аднаўленні руху праз мяжу з Беларуссю. Яно пачне дзейнічаць у ноч з 24 на 25 верасня 2025 года.
Фота ілюстрацыйнае
Рух адновяць як на аўтамабільных, так і на чыгуначных пераходах, якія былі закрытыя з 12 верасня праз расійска-беларускія вучэнні «Захад-2025». Пасля іх завяршэння ўзровень пагрозы для Польшчы зменшыўся, таму ўлады вырашылі зняць абмежаванні.
Адкрыюцца:
- для легкавых аўто — пераход «Тэрэспаль —— Брэст»;
- для грузавых — «Кукурыкі —— Казловічы»;
- для чыгуначнага таварнага руху — «Кузніца Беластоцкая — Гродна», «Семяноўка — Свіслач», «Тэрэспаль — Брэст».
Прэм’ер Дональд Туск раней падкрэсліў, што ў выпадку росту напружанасці на ўсходняй мяжы ўрад зноў гатовы хутка яе закрыць.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары