Цягнік сышоў з рэек і згарэў на мяжы з Беларуссю ў Смаленскай вобласці
У раёне станцыі Рыжыкава на чыгуначным пераездзе сутыкнуліся грузавы цягнік і вялікагрузны аўтамабіль.
На перагоне Рудня-Галынкі Смаленскай вобласці Расіі грузавы цягнік з гаруча-змазачнымі матэрыяламі і драўнінай урэзаўся ў грузавік на пераездзе. У выніку 18 вагонаў сышлі з рэек, шэсць з іх згарэлі, пацярпела і лакаматыўная брыгада.
«Ратавальнікі тушаць 6 вагонаў з гаручымі матэрыяламі. Да ліквідацыі наступстваў прыцягнутыя больш за 40 спецыялістаў і 10 адзінак тэхнікі. На месца выехалі тры пажарныя і чатыры аднаўленчыя цягнікі», — паведамілі ў МНС Расіі.
У МЖД дадалі, што ў сувязі з тым, што адбылося, у рэгіёне прыпынены рух цягнікоў.
Шэраг такіх інцыдэнтаў здарыўся на чыгунках Расіі за апошні час. Украінская разведка адносіла многія іншыя здарэнні на рахунак антываенных партызанаў.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары