Авіякампанія ўвяла опцыю «вольнае крэсла побач», але яго яшчэ трэба выйграць
Апытанне пасажыраў 2023 года паказала, што 42% гатовыя заплаціць за тое, каб месца ў самалёце па суседстве засталося незанятым.
Авіяперавозчык Virgin Australia ўводзіць опцыю «свабоднае ад суседзяў месца» на некаторых унутраных і бліжнемагістральных маршрутах, прычым афармляе гэта ў выглядзе гульні — у адрозненне ад авіякампаній, якія дазваляюць проста выкупіць дадатковыя крэслы, піша «Еўраньюс». Цяпер пасажыры, якія забраніравалі білет эканом-класа ў Vrgin Australia, могуць прыняць удзел у свайго роду аўкцыёне.
Аплаціўшы свой білет, яны пакідаюць заяўку на пустуючае побач месца ў дадатку кампаніі і паказваюць, колькі гатовыя заплаціць за камфорт. Стаўкі прымаюцца ад 30 аўстралійскіх даляраў (17 еўра). Пераможцы атрымліваюць апавяшчэнне не пазней чым за дзве гадзіны да запланаванага вылету.
Праўда, ёсць рызыка таго, што падчас анлайн-таргоў месца выкупяць з іншай анлайн-платформы. У гэтым выпадку аўкцыён анулюецца і пасажыры атрымліваюць пастаўленыя грошы назад.
Virgin Australia ўвяла гэтую опцыю пасля апытання пасажыраў, праведзенага ў 2023 годзе. Яно паказала, што 42% кліентаў авіякампаніі гатовыя плаціць за вольнае месца побач на міжнародных рэйсах. Больш за траціну рэспандэнтаў таксама заявілі, што зрабілі б тое ж самае на ўнутраных рэйсах працягласцю больш за тры гадзіны.
Некаторыя еўрапейскія перавозчыкі прапануюць аналагічныя схемы. Опцыя Air France «Мая дадатковая прастора» дазваляе пасажырам прыватызаваць да трох суседніх крэслаў. Яна прапануецца кліентам пры рэгістрацыі ў рэжыме рэальнага часу і залежыць ад наяўнасці свабодных месцаў.
Тарыф разлічваецца ў залежнасці ад працягласці палёту і колькасці крэслаў, якія пасажыры хочуць пакінуць свабоднымі.
Авіякампанія Lufthansa прапануе схему Free Neighbour Seat, у рамках якой можна забраніраваць суседняе месца на кантынентальных і міжкантынентальных маршрутах. Яна таксама прасоўвае опцыю Sleepers Row, якая пакідае пасажырам поўны шэраг з трох ці чатырох крэслаў у эканом-класе на далёкамагістральных рэйсах.
Цяпер чытаюць
Гомельскую суддзю, якая адпрацавала 25 гадоў і займалася палітычнымі справамі, выгналі за сістэматычныя дысцыплінарныя парушэнні7
Каментары