У квартале «Мінск-Свет» здаецца кватэра з пражываннем толькі ў будні
Нядаўна ў інтэрнэце з'явілася аб'ява пра арэнду двухпакаёвай кватэры ў Мінску за 120 даляраў у месяц, якая выклікала буру абмеркаванняў.
Цана сапраўды прывабная — за поўную двушку ў сталіцы, дзе сярэдняя арэнда такога жылля вагаецца ад 400 да 600 даляраў. Аднак каментатары ў сацсетках аднагалосна абураюцца — і на тое ёсць важкія прычыны
Галоўная падстава хаваецца ў умовах арэнды. Кватэра здаецца выключна на працоўныя дні — з панядзелка па пятніцу. У выходныя ж, паводле слоў арэндадаўца, будзе праводзіцца рамонт, піша «Мінская праўда».
«Здаецца толькі на працоўныя дні, у выходныя будзе рабіцца рамонт», — гаворыцца ў тэксце аб’явы.
Гэта значыць, арандатар зможа карыстацца жыллём толькі пяць дзён на тыдзень, а на ўік-энд давядзецца шукаць альтэрнатыву. Такая схема відавочна не для тых, хто шукае паўнавартаснае жыллё.
Але і гэта яшчэ не ўсё. Арэнда магчымая толькі для аднаго чалавека. «Здаецца толькі аднаму чалавеку, каб менш было рэчаў у кватэры», — удакладняецца ў апісанні. Пары ці сем’і — пад забаронай, а мінімалізм у багажы становіцца абавязковай умовай.
Дадайце да гэтага тое, што кватэра «голая» — без якой-небудзь аздобы: ні мэблі, ні тэхнікі, ні нават базавага рамонту. Арандатару давядзецца ўкласці сілы і сродкі, каб зрабіць прастору прыдатнай для жыцця.
Рэакцыя карыстальнікаў прадказальная: ад саркастычных жартаў да абвінавачванняў.
«Калі каму цікава, здам пакой у падвале. 200 $. Ёсць усе зручнасці: спраўная лямпачка, на падлозе паддон (можаце паслаць свае рэчы і спаць). Зручны выхад на вуліцу. Студэнтам і з хатнімі жывёламі просьба не турбаваць», — жартуе адзін з каментатараў.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары