Вікторыю Лысюк унеслі ў спіс непажаданых артыстаў.
Артыстку абвінавачваюць у прапагандзе ЛГБТ і негатыўным ўплыве на моладзь, піша Mash.
Тур Вікторыі па гарадах пачынаецца 2 лістапада з канцэрта ў Маскве. Потым — Сібір, Урал, Санкт-Пецярбург, Казань, поўдзень Расіі і гэтак далей. Усяго 32 выступленні за два месяцы з перспектывай зарабіць ад 20 да 30 млн расійскіх рублёў за тур. І ўсё гэта можа сарвацца.
Паводле інфармацыі выдання, выканаўцу хіта «Пахрукай» унеслі ў так званы спіс непажаданых у РФ артыстаў — паперку, якая рэгулярна абнаўляецца і рассылаецца дзяржаўным установам і арганізацыям Расіі, што звязаныя з культурай. Прычына забароны — папярэдне, зафіксаваная прапаганда ЛГБТ у трэках і негатыўны ўплыў на моладзь. Наступства — забарона на з’яўленне артыста на гарадскіх фестывалях, канцэртах і буйных івэнтах.
Журналісты патэлефанавалі на пляцоўкі першых 10 гарадоў тура — пра забарону на Вікторыю там ніхто не чуў і пра адмену канцэртаў пакуль нават не думаюць. Пляцоўкі чакаюць распараджэння ад мясцовай адміністрацыі. Сама Мэйбі з гэтай нагоды нічога не кажа — прадзюсар, канцэртны дырэктар і менеджар не адказваюць на званкі.
Вікторыя Лысюк — беларуска. Яна нарадзілася ў Жабінцы ў 1995 годзе, чым ганарыцца. Была ўдзельніцай расійскага гурта «Фрэндзона». Некалькі месяцаў таму ў яе быў батл з Інстасамкай. «Ты зачапіла маю радзіму — і гэта подла», — зачытала Мэйбі Бэйбі беларускамоўны рэп. Моладзь масава здымала пад яго тыктокі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы52
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары